ئەنجومەنی وەزیرانی عێراق رایگەیاند، بەهۆی رەوشی کەشوهەواوە دەوامی فەرمی لە سەرجەم دامودەزگاکانی عێراقدا راگیرا.
ئەنجومەنی وەزیران رایگەیاندووە، لەسەر بڕیاری محەمەد شیاع سودانی سەرۆکوەزیران دەوام راگیراوە و بڕیارەکە دەزگا ئەمنییەکان ناگرێتەوە.
ئەوەش دوای ئەوە دێت،
شەپۆلێکی بارانبارینی بەلێزمە رووی لە عێراق و هەرێمی کوردستان کردووە و کەشناسیش
پێشبینی کەشوهەوای ئەم هەفتەیەی ئاشکراکردووە و دەڵێت، کەشی هەفتەکە بارانبارین و
هەورەبروسکە دەبێت.
ئێوارەی ئەمڕۆش هەر بەهۆی
رەوشی کەشوهەواوە پارێزگای زیقار و ئەنبار رایانگەیاند، دەوامی سبەینێ رادەگرن.
دواتریش ئەنجومەنی وەزیرانی عێراق بڕیارەکەی بۆ سەرجەم عێراق دەرکرد.