ئاماژەی بەوەشکرد، بڕیارەکەی دادگای پاریس دەرگای دانوستان بە رووی هەریەکە لە هەرێم و بەغدا دەکاتەوە و چاودێری داهاتی نەوتی هەرێم لەژێر سەرپەرشتی کۆمپانیای سومۆ دەبێت.

ئەوەشی خستەڕوو، لە رێککەوتنی ئەمجارەدا ئەگەر پشکی هەرێم دیاریبکرێت، ئەوا هەرێم لەگەڵ بەغدا کێشەی نابێت و لە ماوەی رابردوو عێراق نکۆڵی لە هەموارکردنەوەی یاسای نەوت و گاز کرد بۆیە هەرێمی کوردستان نەوتی بەشێوەی سەربەخۆ فرۆشت.

جەعفەر ئیمینکی وتیشی، "ناتوانن بڵێن کە یەکێتی و پارتی حوکمڕانییەکی باشیان کردووە یاخود حوکمڕانییەکی خراپ بەڵام هەموو هەوڵی خۆیان داوە."

باسی لەوەشکرد، رەخنەکانی ئەمریکاش بە هەند وەردەگرن و دووپاتی دەکەنەوە کە دیموکراسیەت و حوکمڕانی هەرێم کێشەی هەیە، بەڵام نابێت بە حکومەتی هەرێمی کوردستان بوترێت کارتۆنی و دەشڵێت، "ئەوەی بە حکومەتی هەرێمی کوردستان بڵێت کارتۆنی ئەوا کێشەی مۆڕاڵی هەیە."

ئەوەشی ئاشکرا کرد، یەکێتیش ئیرادەی ئەرێنی هەیە بۆ ئەنجامدانی هەڵبژاردن و زۆربەی کێشەکانی نێوانیان چارەسەر کردووە و لە هەفتەی داهاتوو تیمی یەکێتی دەگەڕێتەوە بۆ کۆبوونەوەکانی حکومەت.

روونیشیکردەوە، سەرجەم لایەنە سیاسییەکانی هەرێم هاوڕان لەسەر ئەنجامدانی هەڵبژاردن لەمساڵدا و ئەگەر نەکرێت زیانێکی زۆر بەر هەرێم دەکەوێت

ئەندامی کۆمیتەی ناوەندی پارتی ئاماژەی بەوەشدا، ئاستی لێکتێگەیشتنمان لەگەڵ بەغدا و حکومەتی محەمەد شیاع سودانی باشە و ئەم ڕێککەوتن و هەماهەنگییەی نێوان هەرێم و بەغدا بەردەوام دەبێت.

ئـ.عـ