نرخی١٠٠ دۆلار لە کاتی داخستنی بازاڕەکانی دراودا لە هەرێم بە ١٥٦ هەزار و ٤٥٠ دینار مامەڵەی پێوەکرا، بەمەش بەراورد بەکاتی کردنەوەی بازاڕ دۆلار ٥٠ دینار دابەزی.
ئەمڕۆ دووشەممە، لەکاتی کردنەوەی بازاڕدا لە هەرێم ١٠٠ دۆلار بەرامبەر ١٥٦ هەزار و ٥٠٠ دینار لە سلێمانی و ١٥٦ و ٣٠٠ دینار لە هەولێر مامەڵەی پێوەکرا.
هاوکات، بەهای ١٠٠ دۆلار لە
کاتی داخستنی بازاڕی دراو لە بەغدا بە ١٥٦ هەزار و ١٠٠ دینارەوە مامەلەی پێوەکرا.
لە لایەکی دیکەوە، ئەمڕۆ
بانکی ناوەندی عێراق بڕی ٢٠٠ ملیۆن و ٨٩٨ هەزار و ٨٥١ دۆلاری خستەروو لەو بڕەش ١٤٩
ملیۆن و ٩٩٨ هەزار و ٨٥١ دۆلاری بەشێوەی حەواڵە و ٥٠ ملیۆن و ٩٠٠ هەزار دۆلاری بە
شێوەی نەختینەیی خستوەتە روو.
مامەڵەکردن بە دۆلار لەو
نرخە بەرزەدا لە کاتێکدایە بانکی ناوەندی عێراق هەر ١٠٠ دۆلارێک بە ١٣٢ هەزار دینار
دەفرۆشێت و پارێزگاری بانکی ناوەندی عێراقیش لە چەند رۆژی رابردوودا رایگەیاند، بەرەو سەقامگیری دراو دەڕۆین.
ک – ک