سەردێڕ:

نرخی نەوت لە بازاڕەکانی جیهاندا چەندە؟

AM:08:23:18/03/2023

1748 جار خوێندراوەتەوە

بە گوێرەی داتاکانی بازاڕی جیهانی نەوت نرخی بەرمیلێک نەوتی خاوی برێنت بە ٧٢ دۆلار و ٩٧ سەنت مامەڵەی پێوەدەکرێت بەمەش نرخەکەی بەراورد بە دوێنێ دوو دۆلار و ٥٥ سەنت دابەزیوە.


هاوکات، نرخی بەرمیلێک نەوتی خاوی ئەمریکی بە ٦٦ دۆلار و ٧٤ سەنت مامەڵەی پێوەدەکرێت.

لە چەند رۆژی رابردوودا، نرخی نەوت نزمترین ئاستی لە ماوەی ساڵی رابردوودا تۆمارکرد، ئەوەش دوای ئەوەی بەهۆی جەنگی نێوان روسیا و ئۆکرانیاوە نرخی نەوت بەرزی بەخۆیەوە بینی.

دابەزینی بەهای نەوت بۆ ئەو نرخە لە کاتێکدایە، یەک ساڵ پێش ئەمڕۆ نرخی نەوت بە ٩٥ دۆلار مامەڵەی پێوەدەکرا و لە مانگی حوزەیرانی ساڵی پاریش نرخی بەرمیلێک نەوت بە ١٢٠ دۆلار مامەڵەی پێوەدەکرا.

لە ئێستادا جارێکی دیکە نرخی نەوت رووی لە گۆرانکاری و ناسەقامگیری کردووە.

 













گەلەری