PM:08:43:17/03/2023
2348 جار خوێندراوەتەوە
وەزارەتی دەرەوەی چین بڵاویکردەوە، لە نێوان ٢٠ تاوەکو ٢٢ی ئازاردا سەرۆکی چین سەردانی مۆسکۆ بکات و لەگەڵ سەرۆکی روسیادا کۆببێتەوە.
هوا چونینگ وتەبێژی وەزارەتی دەرەوەی چین رایگەیاند، لەسەر بانگهێشتی روسیا، شی جین پینگ سەرۆکی چین لەنێوان ٢٠ تاوەکو ٢٢ ئازاردا سەردانی مۆسکۆ دەکات و لەگەڵ ڤلادمێر پوتین سەرۆکی روسیا کۆدەبێتەوە و هەڵوێستی چین سەبارەت بە جەنگی روسیا و ئۆکرانیا ئاشکرا دەکات.
هاوکات کۆشکی کرملین پشت
راستی کردەوە و لە راگەیاندراوێکدا باسی لەوەکرد، لە کۆبوونەوەی نێوان سەرۆکی ئەو
دوو وڵاتە پەیوەندییەکان و هاوکارییە ستراتیژییەکانی نێوان روسیا و چین تاوتوێ دەکرێت
و بڕیار وایە هەردوو سەرکردە بیروڕا لەبارەی قووڵبوونەوەی هاوکارییەکان لە گۆڕەپانی
نێودەوڵەتیدا ئاڵوگۆڕ بکەن و هەندێک بەڵگەنامەی گرنگ واژۆ بکەن.
لە دوای دەستپێکی جەنگی
روسیاوە، یەکەمجارە سەرۆکی چین سەردانی مۆسکۆ دەکات و لەماوەی رابردوودا چین راگەیاندراو
بڵاوکردەوە، بۆ راگرتنی شەڕ لە نێوان روسیا و ئۆکرانیا و بێلایەنی هەڵبژارد و بەشداری
سزادانەکانی سەر مۆسکۆی نەکرد تاوەکو پەیوەندییە ئابوورییەکانی لە نێوان چین و ئەمریکا
و ئەورووپا زیانی بەرنەکەوێت.
ک.ک
