PM:07:29:17/03/2023
2228 جار خوێندراوەتەوە
بەهۆی زریانی فریدییەوە کە وڵاتانی باشوری ئەفریقای گرتووەتەوە زیاتر لە ٤٠٠ کەس گیانیلەدەستدا و چەندان کەسی دیکەش بریندار بوون.
زریانی فریدی لە مانگی شوباتی رابردووە لە وڵاتانی باشوری ئەفریقیا دەستیپێکردوە و بووە بەهۆی وێرانکارییەکی گەورە لەو وڵاتانە و بەهۆیەوە زیاتر لە ٤٠٠ کەس لە وڵاتانی مالاوی و مۆزەمبیق و مەدەغەشقەر گیانیانلەدەستداوە.
لەوبارەیەشەوە، سەرۆکی
وڵاتی مالاوی ئاماژەی بەوەکردووە، ٣٢٦ کەس بەهۆی زریانەکەوە گیانیانلەدەستداوە.
بەپێی زانیارییە میدیاییەکان ٧٣ لە مۆزەبیق و ١٧کەس لە مەدەغەشقەر گیانیانلەدەستداوە
و ژمارەی ئاوارەکانیش گەیشتووەتە ١٨٣ هەزار و ١٥٩ کەس.
ئەوەش لەکاتێکدایە، تیمەکانی
بەرگری شارستانی و تیمەکانی دیکە بەردەوامن لە دەرهێنان و زرگارکردنی ئەوانەن کە بەهۆی
زریانەکەوە زیانیان بەرکەوتووە و هەندێک لە ناوچەو گوندەکانی مۆزەمبیق بەتەواوی
دابڕاون و رێگای گەیشتن پێیان و هاتووچۆ لەگەڵ
ناوچەکانی دیکە پچڕاوە.
هــ.ح
