بەڕێوەبەری کەشناسی و بومەلەرزەزانی سلێمانی بە دیجیتاڵ میدیایی ئێن ئاڕ تی راگەیاند، لە دوای بوومەلەرزەکەی دوێنێ شەوەوە ١٣ پاشلەرزە تۆمارکراون. دەشڵێت، "پاشلەرزەکان بە گوڕێک بووە کە مرۆڤ هەستییان پێناکات".
ئاسۆ کەمال بەڕێوەبەری کەشناسی و ئاماژەی بەوەشدا، کاتژمێر ٩:٣٢ خولەکی دوێنێ شەو بومەلەرزەیەک بە گوڕی ٥.٢ پلەی رێختەر پارێزگای سلێمانی و هەڵەبجە و قەزای سەیدسادق و پێنجوێنی هەژاندووە.
باسی لەوەشکرد، قوڵایی بومەلەرزەکە
٢٠ کیلۆمەتر بووە و لە دوای بوومەلەرزەکەشەوە ١٣ پاشلەرزە تۆمارکراون.
ئاسۆ کەمال وتیشی،
پاشلەرزەکان گوڕەکانیان لە نێوان ١.٥ پلە بۆ ٢.٥ پلە بووە بە پێوەری رێختەر کە مرۆڤ
هەستی پێناکات و تەنها ئامێرەکان دەتوانن تۆماری بکەن.
شەوی رابردوو بوومەلەرزەیەک
بە گوڕی ٥.٢ پلە بە پێوەری رێختەر پارێزگای سلێمانی و هەڵەبجە و پێنجوێن و سەیدسادق
و سنورەکانیانی هەژاند، بێ ئەوەی زیانی گیانی و ماددی لێبکەوێتەوە، بەپێی سایتە جیهانییەکان
چەقی بوومەلەرزەکە پارێزگای هەڵەبجەبووە.
ک – ک