کەشناسی هەرێم پێشبینییەکانی کەشوهەوای ئەمڕۆ و سبەی ئاشکراکرد و دەڵێت، پلەکانی گەرما ٤ تاوەکو ٦ پلە نزمدەبنەوە، لەگەڵ بارانی بەلێزمە و تەرزە و هەورەتریشقە و بەفر لە ناوچە سنورییەکاندا.
کەشناسی هەرێم رایگەیاندووە، شەپۆلی باران بارین لەسەر تەواوی ناوچە جیاجیاکان بەردەوام دەبێت و ئاستی دابارین مامناوەند دەبێت لەسەر تەواوی ناوچەکان، هەروەها زۆرترین رێژەی دابارین لەسەر بەشێک لە ئیدارەی راپەڕین و سەنتەری پارێزگای سلێمانی و بەشێک لە ناوچەکانی رۆژهەڵاتی پارێزگای هەولێر دەبێت.
ئەوەش هاتووە، هەندێک
کات تەزرە و لێزمە باران و هەورە تریشقەی لەگەڵدا دەبێت و ناوچە سنوورییەکان بەفر
بارینێکی کەمی دەبێت .
لەبارەی پلەکانی
گەرماوە ئەوە خراوەتەڕوو، کە پلەکانی گەرما ٤ تاوەکو ٦ پلە بەراورد بە تۆمارەکانی
دوێنێ نزمدەبنەوە.
لەبارەی کەشوهەوای سبەینێ هەینییەوە هاتووە، ئاسمان نیمچەهەور بۆ هەوری تەواو دەبێت
و لەسەر بەشێک لە ناوچە شاخاوییەکان تاوەبارانی کورتخایەن دەبێت، هەندێک کات ئەگەری
باران لە سەنتەری پارێزگای سلێمانی و دهۆک هەیە .
کەشناسی دەشڵێت،
پلەکانی گەرما بە ٢ تاوەکو ٣ پلە بەرزدەبنەوە بە بەراورد بە تۆمارەکانی ئەمڕۆ.
بەرزترین پلەکانی
گەرمای پێشبینیکراو بە پلەی سیلیزی :
هەولێر: 21 پلەى سیلیزى
سلێمانی: 18 پلەى
سیلیزى
دهۆک: 18 پلەى سیلیزى
کەرکوک: 23 پلەى
سیلیزى
هەڵەبجە: 20 پلەى
سیلیزى
زاخۆ: 20 پلەى سیلیزى
سۆران: 19 پلەى سیلیزى
گەرمیان: 25 پلەى سیلیزى