دەزگای بۆشایی ئاسمانی ئەمریکی ناسراو بە "ناسا" رایگەیاند، لە حەوت مانگدا دوو خۆرگیران لە ئەمریکا بەدیدەکرێت و یەکەمیان لە رێکەوتی ١٤ی مانگی تشرینی یەکەمی ئەمساڵ و ئەوی دیکەیان لە ٨ی نیسانی ساڵی ٢٠٢٤ دەبێت.
ئاماژەی بەوەشدا، چاودێرانی بۆشایی ئاسمان دەتوانن ئەڵقەیەکی ئاگرین بەدیبکەن لەو کاتەی مانگ هەموو بەشێکی خۆر دادەپۆشێت جگە لە بازنەی دەرەکی و بەرگە هەوای رەنگ سپی خۆر کە بە "کۆرۆنا" ناسێنراوە.
ناسا، نەخشەی ئەو ویلایەتانەیبڵاوکردەوە کە تێیدا خۆرگیران بەدیدەکرێت و نزیکەی ٤٨ ویلایەت خۆرگیران بەدیدەکەن
و هەندێک ناوچەش لە مەکسیک و کەنەدا بینەری ئەو رووداوە گەردوونییە دەبن.
ئەوەشی خستەڕوو، ئەگەر ئاسمان ساماڵ بوو هەموو کەسێک لە ویلایەتی ئۆریگۆن
تا تەکساس هەلی بەدیکردنی خۆرگیرانی نیمچەیی دەبێت و هاوڵاتیانی ویلایەتی تەکساس
تاوەکو هەلی بەدیکردنی خۆرگیرانی تەواویان دەبێت.
باسی لەوەشکردووە، ماوەی خۆرگیرانەکە لە ویلایەتێک بۆ ویلایەتێکی دیکە دەگۆڕێت
و بە گشتی نزیکەی دوو بۆ پێنج خولەک دەخایەنێت.
دیاردەی خۆرگیران کاتێک روودەدات کە مانگ بە نێوان زەوی و خۆردا تێپەڕ دەبێت
لە کاتێکدا هەرسێکیان لە ریزی یەکدا بە هێڵێ راست وەستابن.
ئـ - ع