PM:03:30:05/03/2023
4864 جار خوێندراوەتەوە
بەهۆی ئەو رووداوەی چوارشەممەی رابردوو لەنێوان دوو شەمەندەفەردا روویدا و تێیدا ٥٧ کەس گیانیانلەدەستدا، سەرۆکوەزیرانی حکومەتی یۆنان داوای لێبووردنی لە هاوڵاتیانی وڵاتەکەی و کەسوکاری قوربانیان کرد.
رۆژی چوارشەممەی رابردوو رووداوێکی هاتوچۆ لەنێوان هێڵی گواستنەوەی ئەسینای پایتەخت و شاری ساڵۆنیک روویدا، کە شەمەندەفەرێکی بارهەڵگر و شەمەندەفەرێکی نەفەرهەڵگر خۆیانکێشا بەیەکدا و بەهۆیەوە ٥٧ کەس گیانیانلەدەستدا. ئەمڕۆش، کیریاکۆس میتسوتاکیس سەرۆکوەزیرانی یۆنان لە راگەیاندراوێکدا داوای لێبووردنی لە کەسوکاری قوربانیانی رووداوەکە کرد.
ئاماژەی بەوەشدا، "وەک
سەرۆکوەزیران خۆم بە قەرزاری هەمووان دەزانم و داوای لێبووردن بەتایبەتی لە کەسوکاری
قوربانیانی رووداوەکە دەکەم."
باسی لەوەشکرد، لە ساڵی
٢٠٢٣دا هۆشداریدراوە کە لەناوخۆی یۆناندا بەبێ ئاگادارکردنەوە هیچ شەمەندەفەرێک بەئاڕاستەی
شەمەندەفەرێکی دیکە نابێ بڕوات. وتیشی، ناتوانین و نامانەوێت لە پشت هەڵە مرۆییەکانەوە
خۆمان بشارینەوە.
ئەمەش لە کاتێکدایە، پێشتر
وەزیری گواستنەوەی یۆنان بەهۆی پێکدادانی ئەو دوو شەمەندەفەرە دەستلەکارکێشانەوەی
خۆی راگەیاند و بەڕێوەبەری وێستگەکەش دەستگیرکرا.