زانایان باسیان لەوەکردووە، بەکارهێنانی ئەم چارەسەرە کاریگەری و دەرئەنجامی باشی دەبێت بەراورد بە سەرجەم ئەو چارەسەرانەی لەئێستادا بەکاردەهێنرێن.

هاوکات، زانایان کاریان لەسەر دژەتەنەکانی جەستەکردووە بۆ بەرەنگاربوونەوەی نەخۆشییەکە کە لەگەڵ ئامانجەکەیاندا یەکدەگرنەوە بۆ بەرەنگاربوونەوەی نەخۆشییەکە و لەرێگەی تیشکەوە بەگەڕدەخرێن لە جەستەی تووشبووەکاندا، و رەنگە لەداهاتوودا چارەسەرەکە بەشێوەیەکی بەرفراوانتر بەکاربهێنرێت.

چارەسەرە نوێیە تیشکییەکە لەنزیک وەرەمەکە دادەنرێت و لەرێگەی تیشکەکانییەوە کە دەریدەکات چارەسەری خانە شێرپەنجەییەکان دەکات.

دکتۆر ئامیت ساشدیفا لەزانکۆی ئەنجلیا و خاوەنی توێژینەوەکە دەڵێت، "لەئێستادا چارەسەرەکانی شێرپەنجە دەرمانی کیمیاوین کە بەهۆیەوە خانە شێرپەنجەییەکان دەکوژێت، بەڵام دوورنییە زیان بە خانە تەندرووستەکانی جەستە بگەیەنێت وەک خانەکانی خوێن و پێست.

ئەوەش بەومانایە دێت کە دەبنە هۆی دەرکەوتنی کاریگەری لاوەکی وەک هەڵوەرینی قژ، هەستکردن بە ماندوێتی و نەخۆشی و ئەگەری زیادکردنی توشبوون بە هەوکردن بەڵام چارەسەرە نوێیەکە ئەم کاریگەرییانە لەخۆ ناگرێت.

پێدانی چارەسەرەکە لە ڕێگەی چاندنی گڵۆپە رووناکی و تیشکدەرەوەکانەوە دەبێت لە ناوچەکانی وەرەمە شێرپەنجەییەکاندا بەڵام ئەگەر شێرپەنجە کە لەپێستدابوو ئەوا بەشێوەیەکی راستەوخۆ تیشک لەپێستەکە دەدرێت و بە تەنها ناوچە تووشبووەکان تیشکەکەیان بەردەکەوێت و بەشە تەندروستەکانی دیکە و خانەکانی دیکە هیچ زیانێکیان پێ ناگات و کاری دژەتەنەکان چالاکتر دەکات و فەرمانەکانیان رێکدەخاتەوە.

زانایان ئەوەشیان خستووەتەڕوو، دەتوانرێت چارەسەرەکە بۆ هەموو نەخۆشی و حاڵەت و جۆرە جیاوازەکانی نەخۆشی شێرپەنجە بەکاربهێنرێت، بەڵام بۆ شێرپەنجەی خوێن یان لوکیمیا بەکارنایەت.