زیندانییەک لە وڵاتى بۆلیڤیا لە رێگەى خۆگۆڕینى بۆ سەر شێوەى مەڕ، هەوڵى هەڵاتنى لە زیندان دا، بەڵام لە کۆتاییدا پلانەکەى شکستى هێنا.
خۆسێ لویس هاوڵاتییەکى خەڵکى بۆلیڤییە و بە جاڵجاڵۆکە ناسراوە، دواى ئەوەى لەسەر تاوانى کوشتن بە ١٥ ساڵ زیندانیکردن سزا درا و لە یەکێک لە زیندانە هەرە توند و تۆکمەکانى ئەو وڵاتە خرایە زیندانەوە.
بەڵام بۆ کەسێکى وەکو خۆسێ کە بە جاڵجاڵۆکە
ناسراوە، هەر زوو بیرى لە پلانێک بۆ هەڵاتن لە زیندان کردەوە، پلانەکەشى بریتى بوو
لە بەکارهێنانى خورى تاکو شێوەى خۆى وەکو مەڕ بگۆڕێت و لەو رێگەیەوە لە زیندانەکەى
خۆى دەرباز بکات.
بە وتەى بەرپرسانی زیندانەکە، هەرچەندە
خۆسێ لە قۆناغى یەکەمى پلانەکەیدا سەرکەوتوو بووە و چووەتە دەرەوەى زیندانەکە، بەڵام
هەر زوو لەلایەن پاسەوانەکانەوە ناسراوەتەوە و دەستگیر کراوە.