لە کاتی کردنەوەی بازاڕەکانی دراو لە هەرێمی کوردستان نرخی ١٠٠ دۆلار بەرامبەر ١٦٢ هەزار و ٢٥٠ دینارە.
ئەمڕۆ لە کاتی کردنەوەی بازاڕی دراوەکانی هەرێم، ١٠٠ دۆلار بە ١٦٢ هەزار و ٢٥٠ دینار مامەڵەی پێوە کرا و نرخەکەی بەراورد بە کاتی کردنەوەی دوێنێ ٢٥٠ دینار بەرزبووەتەوە.
نرخی دراوەکانی
دیکە لە بازاڕەکانی هەرێمدا بەم شێوەیەیە:
١٠٠ یۆرۆ بە ١٧٦ هەزار دینارە
١٠٠ پاوەند بە ٢٠٠ هەزار و ٢٥٠ دینارە
١٠٠ دۆلارە بەرامبەر چوار ملیۆن و ١٩٠ هەزار
تمەنە
١٠٠ دۆلار بەرامبەر
هەزار و ٨٦٠ لیرەی تورکییە
ماوەی زیاتر لە
مانگێکە نرخی دۆلار لە هەموو پارێزگاکانی عێراقدا ناجێگیرە و بەردەوام دەگۆڕێت و لە
هەفتەکانی رابردوودا بە شێوەیەکی بەرچاو بەرزبووەوە بە جۆرێک نرخی ١٠٠ دۆلار گەیشتە
١٦٧ هەزار.
هۆکاری سەرەکی بەرزبوونەوەی
بەهای دۆلاریش لە ناوخۆی عێراقدا دەگەڕێتەوە بۆ کەمی خستنەبازاڕی ئەو دراوە و زۆری
خواستی خەڵک لەسەری.
بۆ ئەمرۆش، بانکی
ناوەندی عێراق ٦١ ملیۆن دۆلاری خستووەتە بازاڕەوە و لەو بڕەش ٣٤ ملیۆنی بە شێوەی حەواڵە
دەدرێتە بانکەکان و تەنها ٢٧ ملیۆن دۆلار بە شێوەی کاش دەچێتە بازاڕەکانی دراو لە
هەرێم و عێراق.
هەوڵەکانی حکومەتی
عێراق و بانکی ناوەندی بەردەوامن بۆ دابەزاندنی نرخی دۆلار لە بازاڕەکانی عێراق و
هەرێمدا بە جۆرێک، چەند رۆژێک لەمەوبەر محەمەد شیاع سوودانی سەرۆکوەزیرانی عێراق،
بڕیاریدا مستەفا غالب پارێزگاری بانکی ناوەندی لە پۆستەکەی لاببرێت و عەلی موحسین عەلاق
لە جێگەی، پۆستەکەی بە وەکالەت بەڕێوەببات.