نرخی دۆلاری ئەمریکی لە بازاڕەکانی هەرێم و عێراق بەشیوەیەکی بەرچاو دابەزی و ١٠٠ دۆلار لە بازاڕەکانی هەرێم بە ١٦٠ هەزار و ٧٥٠ دینار و لە بەغداش بە ١٦١ هەزار دینار مامەڵەی پێوەکرا.
ئەمڕۆ دووشەممە پاش بڕیارەکەی محەمەد شیاع سودانی سەرۆکوەزیرانی عێراق بۆ گۆڕینی پاریزگاری بانکی ناوەندی نرخی دۆلار لە بازاڕەکانی هەرێم و عێراق بەشیوەیەکی بەرچاو دابەزی.
هاوکات نرخی دۆلار لە
بازاڕی دراوەکانی هەرێم بە ١٦٠ هەزار و ٧٥٠ دینارە و لە بازاڕەکانی بەغداش ١٦١
هەزارە.
ئەمەش لە کاتێکدایە،
ئەمڕۆ محەمەد شیاع سوودانی سەرۆک وەزیرانی عێراق، بڕیاریدا مستەفا غالب پارێزگاری
بانکی ناوەندی لە پۆستەکەی لابرێت و عەلی موحسین عەلاق لە جێگەی، پۆستەکەی بە وەکالەت
بەڕێوەببات.
هاوکات، بەڕێوەبەری
بانکی بازرگانی عێراقیش لەلایەن سوودانییەوە خانەنشین کرا و بیلال حەمدانی راسپارد
بۆ بەڕێوەبەردنی بانکەکە لەگەڵ کارەکەی خۆیدا، کە بەڕێوەبەری بانکی پیشەسازی عێراقە
و لە ساڵی ٢٠٠٥ەوە لە کەرتی بانکی عێراقیدا کاری کردووە.