باسی لەوەشکردووە، بە پشتبەستن بە ڕێنماییەکانی سەرۆکوەزیران و ئەوەی لە کۆبوونەوەکەدا خرایەڕوو، چەند بڕیارێک درا بۆ سەقامگیرکردنی نرخی ئاڵوگۆڕی دۆلار و رێگریکردن لە مامەڵە نە دروستەکان و بڕیارەکان پێک دێن لە:

یەکەم: کردنەوەی پەنجەرەیەکی نوێ بۆ فرۆشتنی دراوی بیانی بە بازرگانانی بچووک لە ڕێگەی بانکی بازرگانی عێراق.

دوەم: پاڵپشتیکردنی بانکی ناوەندی بانکی بازرگانی عێراق بە بڕی ٥٠٠ ملیۆن دۆلار بە مەبەستی کردنەوەی قەرزی بەڵگەنامەیی بۆ بازرگانانی بچووک.

سێیەم: دەستپێکردنی هاوردەکردنی کەلوپەل و کاڵای بازرگانی بۆ ئەو کۆمپانیایانەی تۆمارکراون لە بەشی تۆماری کۆمپانیاکان لە وەزارەتی بازرگانی فیدراڵی کە هەموو جۆرە کۆمپانیا و کارگەکانی تۆمارکراو لە بەرێوەبەرایەتی گشتی گەشەپێدانی پیشەسازی و پڕۆژەی وەبەرهێنان بە هەموو جۆرەکانیەوە کە بەپێی پێویست مۆڵەتی کۆمسیۆنەکانی وەبەرهێنانیان پێدراوە، (جا ئەگەر مۆڵتەکەیان مەرجدار بێت یان بێ مەرج).

چوارەم: ئاسانکاری لە رێکارەکانی هاوردەکردن و کەمکردنەوەی مەرجەکانی ئامادەکردنی بەراوە پاڵپشتیکارەکانی هاوردەکردن و هەڵوەشاندنەوەی ئاگادارکردنەوەی دەسەڵاتی گشتی باج بۆ سەپاندنی غەرامەی دواکەوتن بەسەر هاوردەکاران و ئەوانەی کە لە دەسەڵاتی گشتی باج وەردەگیرێن.

پێنجەم: بەشداریکردنی ژوورەکانی بازرگانی و یەکێتی پیشەسازی لە دانیشتنەکانی ئەنجومەنی وەزاریران کە لە بارەی دۆخی ئابوورییەوە هەموو هەفتەیەک ئەنجام دەدرێت و تێیدا باسی بەرەوپێشچوونەکانی دۆخی ئابووری دەکرێت.

شەشەم: بەشی تۆماری خانووبەرە و تۆماری کۆمپانیاکان و گەشەپێدانی پیشەسازی و دەسەڵاتی وەبەرهێنان و بانکی رافیدەین و رەشیدیش بەشداری کۆبوونەوەکانی هەفتانە دەکەن.
ئـ.کـ