دەشڵێت، ئەمشەو کاتژمێر ٩ وەزارەتی ناوخۆی عێراق دەرگای دامەزراندن بۆ پاسەوانانی سنور دەکاتەوە لینکێک بڵاودەکاتەوە بۆ وەرگرتنی چەند کەسێک و دامەزراندنیان وەک پاسەوانی سنور و لە لینکەکەدا مەرجەکان دیاری کراوە.

هاوکات، لەبارەی دەنگۆی هاتنی سوپای عێراق بۆ سەر سنورەکانی هەرێم بە درێژایی سنوری تورکیا و ئێران، وتە بێژی ناوچەی یەکی پاسەوانی سنور ئاشکرای کرد، دەنگۆی هاتنی هێزی عێراق بۆسەر سنورەکانی هەرێم دوورە لە راستییەوە و هێزی عێراقی نایەتە سنورەکانی هەرێم.

ئاماژەی بەوەشدا، لە مانگی تەمموزی رابردووەوە هێزی سەربازی لە ناوچە سنورییەکانی هەرێم جێگیرکراون و لە ئێستادا یەکەی هێزی پاسەوانی سنوری یەک لە سێ لیوا پێکهاتووە و پارێزگاری لە سنوری هەرێم دەکەن و سەر بە وەزارەتی ناوخۆی عێراقن.

کاروان خۆشناو ئەوەشی خستەڕوو، وەزارەتی بەرگری عێراق نوسراوی فەرمی بڵاوکردووەتەوە بۆ دروستکردنی لیوای نوێ بۆ پاسەوانی سنور و هەموو خەڵکی هەرێم و عێراق دەتوانن داوکاری وەرگرتن پێشکەش بکەن.

وتەبێژی ناوچەی یەکی پاسەوانی سنور رایگەیاند، کار بۆ دروستکردنی لیەوانی نوێی پاسەوانی سوور دەکرێت لەلایەن وەزارەتی ناوخۆی عێراقەوە و ئەمشەو کاتژمێر نۆ لینکی پێشکەشکردنی داواکاری بڵاودەکرێتەوە و دەنگۆی هاتنی هێزی عێراق بۆسەر سنوورەکانی هەرێم دوورە لە راستییەوە لەلایەکی دیکەوە شارەزای بواری سەربازی دەڵێت، "ئەگەر نیەت پاکی بوونی هەبێت هاتنی هێزی عێراقی هەڕەشە و گرفت دروستناکات."

هاوکات، ئارێز ئەنوەر شارەزای بواری سەربازی لە چوارچێوەی بەشداریکردنی لە بەرنامەی تاوتوێی ئێن ئاڕ تی رایگەیاند، ئەگەر هێزی سەربازی عێراق بنێردرێت بۆ سنورەکانی هەرێم کێشە و گرفت دروستناکات ئەگەر هاتوو نیەت پاکی لە نێوان حکومەتی هەرێم و عێراق و دروستکردنی لیوای نوێ بۆ پاسەوانی سنور کاتی زۆری پێدەچیت.

ئاماژەی بەوەشدا، پاراستنی سنوری هەرێم پێویستی بە یەت پاکی و رێزگرتن لە سەرەوەری و رێککەوتنی نێودەوڵەتی هەیە و لەوە گرنگتریش پێویستی بە ئامرازی سەربازی پێشکەتوو هەیە و ئەمانە هەمووی لە توانای هێزەکانی پاسەوانی هەرێمدا نییە.

دەشڵێت، کەمی توانای هەرێم بۆ پاراستنی سنوری لایەنێکی ئەرێنی نییە چونکە ئەمریکاش چەندین ساڵە توانای پاراستنی سنوری مەکسیکی نییە.