بەڕێوەبەرایەتی هاتوچۆی پارێزگای سلێمانی ئاگادارییەکی بڵاوکردەوە و تیایدا هاتووە، لە ئێستادا سیستەمی نوێی مۆڵەتی شۆفێری دەرهێنان و نوێکردنەوە کارا کراوە و پێویستییەکانیشی ئاشکرا کردووە.
لە ئاگادارییەکەی بەڕێوەبەرایەتی هاتوچۆی سلێمانیدا ئاماژە بەوەشکراوە، ئەو کەسەی دەیەوێت مۆڵەتەکەی نوێ بکاتەوە یاخود بۆ یەکەم جار مۆڵەت دەربهێنێت پێیوسیتی بەوەیە ئەم شتانەی پێ بێت.
1-بەڵگەنامەیڕەسەن (تەسکەرە – چنسییە-
کارتی زانیاری – کارتی نیشتیمانی)
2-بۆ تازەکردنەوەی مۆڵەت پێویستی بە مۆڵەتە
کۆنەکە و پشکنینی چاو هەیە .
3-بۆ نوسینی ناوەکەی بە زمانی ئینگلیزی پیویستی
بە پاسپۆرتە ئەگەر پاسپۆرتی نەبوو پیویستە ناوی خۆی بە دروستی نوسرابێت بە زمانی (
ئینگلیزی ).
دەشڵێت، "پێوسیت ناکات هاوڵاتی وێنەی پێبێت چونکە راستەوخۆ وێنەکان لە بەشی مۆڵەت
دەگیرێت و دەخرێتە سەر مۆڵەت جگە لەو بەڵگەنامانەی کە داوا کراوە بە نوسخەی ڕەسەن."
ئەمەش لەکاتێکدایە، رۆژی ٣٠ی مانگی ئابی ئەمساڵ، هاتوچۆ گۆڕانکاری لە سیستمی مۆڵەتی شۆفێری
لە هەرێمدا راگەیاند و بەپێی گۆڕانکارییەکەش سیستمەکە دەکرێتە دیجیتاڵی و ١٢ جۆری
مۆڵەتی شۆفێری بوونیان دەبێت، کە لە تەمەنی ١٦ ساڵ بۆ ماتۆرسکیڵ تاوەکو ٢٠ ساڵ بۆ
ئۆتۆمبێلە بارهەڵگر و پیشەسازی و گەورەکان دەبێت.