بەگوێرەی زانیاریەکانی ئێن ئاڕتی، مەسعود بارزانی سەرۆکی پارتی و بافڵ تاڵەبانی سەرۆکی یەکێتی لە ماوەکانی رابردوودا لە پەیوەندییەکی تەلەفۆنیدا باسیان لە مەترسییەکانی هەڵبژاردن کردووە و لە پەیوەندییەکەدا، کە لە کۆبونەوەیەکی سەرکردایەتی باسی ناوەرۆکی پەیوەندییەکە کراوە، ئاماژەیان بەوەکردووە، لەم کاتەدا بەرێژەیەکی بەرچاو دەنگی هەردوو حزبەکە لە کەمبوونەوەدایە.
هەروەها، لە دیداری نێوان مەسرور بارزانی سەرۆکی حکومەتی هەرێم و بافڵ تاڵەبانی سەرۆکی یەکێتی بە هەمان شێوە، هەردولا دانیان ناوە بە خراپی دۆخی پارتی و یەکێتی و مەترسی لە سەر کەمکردنی زۆر زیاتری دەنگەکانیان.
ئەوەش دوای ئەوەی هەردوو
حزب بەپێی راپرسییە ناوخۆییەکانیان بۆیان دەرکەوتووە کە رێژەی دەنگەکانیان بەشێوەیەکی
بەرچاو کەمدەکات، بەو پێیەی لەدواین هەڵبژاردندا پارتی و یەکێتی زیاتر لە ٧٠٠ هەزار
دەنگیان کەمکردوە.
هەر لەودیداری نیوان بافڵ
تاڵەبانی و مەسرور بارزانی دا، باسیان لە مەترسی خۆیان لەکەمکردنەوەی دەنگەکانیان
و پێشکەوتنی هێزە ئۆپۆزسیۆنەکان لە هەڵبژاردنەکاندا کردووە.
بەشێک لە چاودێران ئاماژە
بەوەدەدەن، هەڵبژاردنەکانی ئەمجارەی هەرێم چارەنوسسازدەبێت بەو پێیەی نەتەوە یەکگرتوەکان بەوردی چاودێری بەڕێوەچوونی هەڵبژاردنەکان دەکەن
و چەند جارێک دڵنیاییانداوە لە بەڕێوەچوونی هەڵبژاردنێکی پاک و بێگەرد و کۆمەڵگەی
نیودەوڵەتیش جەخت لە شێوازی بەرێوەچونی پرۆسەکە دەکاتەوە.
هەرچەندە پارتی و یەکێتی بە
چەندین رێگای جیاواز هەوڵیاندا بۆ دواخستنی هەڵبژاردنەکان بۆماوەی دوو ساڵ، بەڵام
فشارەکانی ناوخۆ و کۆمەڵگای نێودەوڵەتی رێگربوون لە بەجێهێنانی خواستی پارتی و یەکێتی
و ئێستا فشارەکان بە ئاراستەی ئەوەن لە زوترین کاتدا بەربەستەکانی بەردەم پرۆسەکە
لاببرێن و هەڵبژاردنەکان بەشێوەیەکی پاک و بێگەرد بکرێن.
ئەمە لەکاتێکدایە، بابەتی
هەڵبژاردنەکانی خولی شەشەمی پەرلەمانی کوردستان بوەتە باس وخواسی میدیاو ناوەندە سیاسیە
نێوخۆییەکان و کۆمەڵگەی نێودەوڵەتی، پارتی و یەکێتیش لە هەر کات زیاتر ترسیان لێنیشتووە
و ئەو دوو حزبەی زیاتر لێکنزیکردووەتەوە.