سەردێڕ:

سەرۆکی ئیماڕات کۆچی دوایی کرد

PM:01:22:13/05/2022

24220 جار خوێندراوەتەوە

ئاژانسە ناوخۆییەکانی ئیماڕات بڵاویان کردەوە، شێخ خەلیفە بن زاید ئال نەهیانی سەرۆکی ئیماڕات کۆچی دوایی کرد.


شێخ خەلیفە بن زاید ئالنەهیانی لەدایکبووی ساڵی ١٩٤٨ بووە و لە ساڵی ٢٠٠٤وە و لەدوای مردنی شێخ زاید بن سوڵتانی باوکییەوە دەسەڵاتی گرتووەتە دەست و سەرۆکی ئیماڕاتی عەرەبی بووە و هاوکات، فەرماندەی هێزە چەکدارەکانی وڵاتەکەش بووە.

ئاژانسی هەواڵی ئیماڕات، کۆچی دوایی سەرۆکی وڵاتی لە تەمەنی ٧٤ ساڵیدا راگەیاند.

ئاماژە بەوەشکراوە، بۆ ماوەی سێ رۆژ کە لە ئەمڕۆوە دەستپێدەکات پشووی فەرمی دەبێت و ئاڵای وڵاتیش بۆ ماوەی ٤٠ رۆژ دادەگیرێت تا رۆژی چلەی سەرۆک.

 













گەلەری