AM:08:16:22/03/2026
124 جار خوێندراوەتەوە
+
-
سلۆت دوپاتیکردەوە ئاستێکی خراپیان پێشکەش کرد و وەرزێکی ئاڵۆزیان هەیە.
ئارنی سڵۆت، راهێنەری لیڤەرپوول دوای یارییەکەیان بەرامبەر برایتۆن بە دڵتەنگییەوە وتی: لە تایمی دووەمدا برایتۆن تیپە باشترەکەی ناو یاریگا بوو، ئێمە خاڵێکی زۆرمان لەدەستداوە، تەنها هەشت یاری ماوە بۆ ئەوەی بزانین دەگەینە چامپیۆنز لیگ یان نا، هەر یارییەک دەیدۆڕێنین ئازاربخشە.
سڵۆت ئاماژەی بە پێکانەکانی هێڵی هێرشبەریش کرد و وتی: پێکانی هۆگۆ ئیکیتیکی و ئەلیکساندەر ئیساک و نەبوونی محەمەد سەڵاح کاریگەری گەورەی هەبوو، ئیکیتیکی یاریزانێکی گرنگ بوو بۆمان بەتایبەت دوای ئەو ئاستە بەرزەی بەرامبەر گەڵاتەسەرای نیشانی دا، بەڵام بەداخەوە بەهۆی بێ چانسییەوە تووشی پێکان بوو.
راهێنەرەکەی رێدز لە کۆتاییدا دانی بەوەدا نا کە فشارێکی زۆر لەسەر یانەکە هەیە سەرەڕای ئەوەی لە چامپیۆنز لیگ و جامی یەکێتی ئینگلتەرا لەکێبڕکێدا ماونەتەوە، وە دوپاتیشیکردەوە دەبێت لەپێناو گەیشتن بە چامپیۆنز لیگ بجەنگن.