PM:10:17:02/03/2026
100 جار خوێندراوەتەوە
+
-
خیسۆس خەڵاتی باشترین راهێنەری مانگی رابردووی خولی سعودیەی بردەوە پاش ئەنجامە باشەکانی نەسڕ.
خۆرخێ خیسۆس، راهێنەری پورتوگالی یانەی نەسر، بەردەوامە لە تۆمارکردنی مێژوو و سەلماندنی لێهاتوویی خۆی لە خولی ڕۆشنی سعوودی، ئەمەش دوای ئەوەی توانی خەڵاتی باشترین ڕاهێنەری مانگی شوبات بەدەستبهێنێت.
خیسۆس بە بەدەستهێنانی خاڵی تەواو و بردنەوە لە شەش یاری لەسەریەکدا، توانی یانەی نەسر بگەڕێنێتەوە پێشەنگی خولەکە بە کۆکردنەوەی 61 خاڵ، کە ئەمەش ڕەنگدانەوەی ئەزموون و توانای بەرزی ئەو ڕاهێنەرەیە لە بەڕێوەبردنی یارییەکاندا.
ئامارەکانی یانەی نەسر لەژێر سەرپەرشتی خیسۆس لەو مانگەدا سەرنجڕاکێش بوون، بەو پێیەی یاریزانەکانی 17 گۆڵیان تۆمارکرد و تەنها یەک گۆڵیان لێکرا، ئەم هاوسەنگییە لە نێوان هێزی هێرشبەری و قایمی هێڵی بەرگری، وای کردووە هاندەرانی یانەکە ئاستی چاوەڕوانییەکانیان بۆ بەدەستهێنانی نازناوەکان بەرزتر بێتەوە.
ئەم سەرکەوتنە بەردەوامانەی خیسۆس تەنها ئەنجام نین، بەڵکو نیشانەی جێگیرییەکی تەکیتیکی و هونەرییە کە وای کردووە نەسر ببێتە بەهێزترین بەربژێر بۆ بردنەوەی خولی سعودیە لەم وەرزەدا.