PM:02:11:01/03/2026
76 جار خوێندراوەتەوە
+
-
چیڤۆ جەختیکردەوە کە
گرنگی بە ریزبەندی نادەن و دڵخۆشە بە ئاستی یاریزانە لاوەکان چونکە لە فەلسەفەی
ئەو تێدەگەن.
دوای بردنەوەی ئینتەر
میلان لە یانەی جەنەوا کریستیان چیڤۆ ڕاهێنەری نێرازۆری وتی: من زۆر دڵخۆشم بەو
ڕۆحیەتەی یاریزانەکانم نیشانیاندا، بردنەوە لە جەنەوا هەرگیز ئاسان نییە، بەڵام
ئێمە لە سەرەتاوە تا کۆتایی کۆنتڕۆڵی یارییەکەمان کردبوو.
بۆ من وەک ڕاهێنەر،
بردنەوە بە دوو گۆڵی خاوێن و پاراستنی تۆڕی گۆڵەکەمان هێندەی گۆڵ تۆمارکردن گرنگە،
ئەمە نیشانەی جێگیریی تیپەکەمانە لە هێڵی بەرگریدا و متمانەی زیاتر بە یاریزانەکان
دەبەخشێت بۆ یارییەکانی داهاتوو.
دەشڵێت: ئێمە سەیری
ڕیزبەندی ناکەین، تەنها تەرکیزمان لەسەر یاری داهاتووە، هەموو یارییەک بۆ ئێمە وەک
یاری کۆتایی وایە، سێ خاڵەکە زۆر گرنگ بوو بۆ ئەوەی فشار لەسەر ڕکابەرەکانمان دروستبکەین
و لە پێشەوەی خولەکەدا بمێنینەوە.
ئاماژەی بەوەشکرد: بینینی
هەندێک لەو یاریزانانەی کە پێشتر لەگەڵی بوون لە تیپی لاوان و ئێستا لە پێکهاتەی
سەرەکیدا دەدرەوشێنەوە، شانازییەکی گەورەیە بۆی، ئەوان بە باشی لە فەلسەفەکەی تێدەگەن.