PM:11:51:28/02/2026
164 جار خوێندراوەتەوە
+
-
ئارتێتا رایگەیاند
دەیانەوێت لە لوتکەی ریزبەندی بمێننەوە و روسونیۆریش جەختیکردەوە کە بۆ بردنەوە
دەچنە یاریگای ئیماڕات.
پێش دێربی لەندەن لە
نێوان ئارسناڵ و چێڵسی، راهێنەری هەردوولا لێدوانی خۆیان دا.
لە سەرەتادا میکێل
ئارتێتای راهێنەری گەنەرز وتی: لیام کارێکی نایابی کردووە لەوەتەی
هاتووەتە چێڵسی،شێوازێکی یاریی هەیە کە زۆر ڕێکخراوە و ڕێزێکی زۆرم بۆی هەیە.
میکێل ئارتێتا وتیشی: ئێمە
لە لوتکەین و دەمانەوێت لەوێ بمێنینەوە، ئەم دێربییە تاقیکردنەوەیەکی گەورەیە
و پێویستە بەوپەڕی تەرکیزەوە یاری بکەین تا بتوانین سێ خاڵ بەدەستبهێنین.
هەروەها ئارتێتا
ستایشی ڤیکتۆر گیۆکێرێسی کرد کە ئێستا گۆڵکاری سەرەکی ئارسناڵە و هیوای خواست
بەردەوام بێت لەسەر ئاستە بەرزەکەی.
لە بەرامبەردا لیام
روسونیۆری راهێنەری بلوز وتی: ئارسناڵ لە ئێستادا
باشترین تیپی خولەکەن و ئاستێکی زۆر جێگیر پێشکەش دەکەن، بەڵام ئێمە ناچینە ئەوێ
تەنها بۆ بەرگری، دەمانەوێت بیسەلمێنین کە دەتوانین ڕکابەری بکەین.
دەشڵێت: من لە چێڵسیم بۆ ئەوەی
پڕۆژەیەکی درێژخایەن بونیاد بنێم، دەمەوێت من ئەو کەسە بم کە چێڵسی دەگەڕێنێتەوە
سەر ڕێڕەوی سەرکەوتنەکان و سەقامگیری بۆ یانەکە دەگەڕێنێتەوە.
هەروەها ڕایگەیاند
کە سەرەڕای ئەوەی لە دوو یاری ڕابردوودا خاڵیان لەدەستداوە، بەڵام یاریزانەکانی
زۆر پەرۆشن بۆ بردنەوە لە دێربی.