PM:04:22:24/08/2025
148 جار خوێندراوەتەوە
+
-
نەیمار تووشی پێکانبووە لە رانیدا و
ئەگەری بانگهێشت کردنی بۆ هەڵبژاردەی بەرازیل کەمبووەتەوە.
رۆژنامەی گلۆبۆی بەرازیلی بڵاویکردەوە،
جارێکیتر نەیمار دا سیلڤای ئەستێرەی بەرازیلی و یاریزانی یانەی سانتۆس تووشی
پێکانبووەتەوە لە کاتی راهێنانەکانی یانەکەیدا.
گلۆبۆ ئاماژەی بەوەداوە، پێکانەکەی
ئەمجارەی نەیمار لە ماسولکەکانی رانی راستیدایە بەڵام زۆر مەترسیدار نییە و رۆژانە
لەلایەن دەستەی پزیشکی یانەکەیەوە چاودێری دەکرێت.
رونیکردووەتەوە کە بە رێژەیەکی زۆر جارێکیتر
نەیمار بێهیوا دەکرێت و بانگهێشتی هەڵبژاردەی بەرازیل ناکرێت بۆ دوو یاریی
داهاتووی پاڵاوتنەکانی مۆندیال.
دەشڵێت، کارلۆ ئەنچیلۆتی راهێنەری بەرازیل
تا دوایین سات چاوەڕێی راپۆرتی پزیشکەکان دەکات و ئەگەر ئەرێنی بوون ئەوا نەیمار
دەکاتە لیستەکەوە بەڵام ئەگەر هەستی بە باشبوون نەکرد ئەوا بە هیچ شێوەیەک
بانگهێشتی ناکات.
خ . ک