PM:11:12:18/03/2025
112 جار خوێندراوەتەوە
+
-
كاندرێڤای ئەستێرەی پێشووی ئیتاڵی لە تەمەنی 38 ساڵیدا
بە یەكجاری وازهێنانی لە تۆپی پێ راگەیاند.
ئەنتۆنیۆ كاندرێڤای ئەستێرەی پێشووی یانەكانی ئینتەر
میلان و لازیۆ و یۆڤانتۆس و هەڵبژاردەی ئیتاڵیا بە بڵاوكردنەوەی پارچە ڤیدیۆیەك وازهینانی
فەرمی خۆی لە تۆپی پێ راگەیاند لە تەمەنی 38 ساڵیدا.
ئەستێرەكەی پێشووی هەڵبژاردەی ئیتاڵیا لە پارچە
ڤیدیۆیەكەدا وازهێنانی خۆی لە تۆپی پێ راگەیاند و تێیدا وتی: تۆپی پێی ئازیز ئەمڕۆ
یەکێکە لە ڕۆژە گرنگەکانی ژیانم، کاتی ماڵئاواییکردن هاتووە و لێرە لە سان سیرۆ،
سکالا دێل کالچیۆ، کە دوا یاریم تێدا ئەنجامدا، وازهێنانی خۆم لە یاریكردن رایدەگەیەنم.
وتیشی: سی ساڵ لەمەوبەر، گەشتەکەم دەست پێکرد، کە پڕ بوو
لە خۆشی و خەم و قوربانیدان و سەرکەوتن، بە خەون و خولیای خۆم ژیام، من ئەمە وەک
ماڵئاوایی نابینم، بەڵکو وەک سەرەتایەکی نوێ تەماشای دەكەم.
کاندرێڤا 54 یاری نێودەوڵەتی لەگەڵ هەڵبژاردەی ئیتاڵیا ئەنجامداوە
و تێیدا خاوەنی حەوت گۆڵە، لەگەڵ یانەكانیش 693 یاری ئەنجامدا و تێیدا سەركەوتوبوو
لە تۆماركردنی 106 گۆڵ و 122 ئەسیست، جامی ئیتاڵیاشی لەگەڵ لازیۆ بردەوە لە وەرزی
2012 بۆ 2013.