PM:12:27:13/07/2024
384 جار خوێندراوەتەوە
+
-
ئەرجەنتین لە ماوەی سێ ساڵدا 77 ملیۆن
دۆلاری بەدەستهێناوە بەهۆی بردنەوەی نازناو و ئەنجامی باشەوە.
هەڵبژاردەی ئەرجەنتین لە سێ ساڵی رابردوودا
ئەنجامی زۆر باشی بەدەستهێناوە و هاندەرانی هەڵبژاردەکەش چەند ساڵێکی دڵخۆشکەریان
بەڕێکردووە بەهۆی بردنەوەی نازناوەکانەوە.
هەڵبژاردەی تانگۆ لە ماوەی ئەم سێ ساڵەدا
قازانجێکی دارایی زۆری بەدەستهێناوە کە بڕەکەی گەیشتووەتە 77 ملیۆن دۆلار، ئەگەر
بتوانێت ببێتە پاڵەوانی کۆپا ئەمریکای ئێستا کە لە یاری کۆتاییدایە ئەوا
قازانجەکانی روو لەزیاد بوون دەکەن.
ئەو هەڵبژاردەیە دوای بردنەوەی نازناوی
کۆپا ئەمریکای 2021 بڕی 14 ملیۆن دۆلاری بەدەستهێنا، دواتریش کە بووە پاڵەوانی
مۆندیالی 2022ی قەتەڕ بڕی 42 ملیۆن دۆلاری وەرگرت، لەو کاتەشدا یەکێتی تۆپی پێی
ئەمریکای باشووریش 10 ملیۆن دۆلاری وەک خەڵات پێدا دوای بردنەوەی نازناوی مۆندیال.
ئێستاش تا ئەو ساتەی گەیشتووەتە یاری
کۆتایی کۆپا ئەمریکای 2024 بڕی 11 ملیۆن دۆلاری وەرگرتووە و ئەگەر ببێتە پاڵەوانیش
ئەوا نۆ ملیۆن دۆلاری پێدەدرێت بەوەش قازانجە داراییەکەی زیاتر دەبێت و دەکاتە 88
ملیۆن دۆلار.
خ . ک