PM:08:57:02/01/2025
200 جار خوێندراوەتەوە
+
-
لە چەند رۆژی داهاتوودا هەڵبژاردنی سەرۆکایەتی ریاڵ مەدرید بەڕێوەدەچێت و
پێرێز تاکە کاندیدە بۆ پۆستی سەرۆکی یانەکە.
یانەی ریاڵ مەدرید لە راگەیەندراوێکدا نوسیویەتی: فلۆرێنتینۆ پێرێزی سەرۆکی
یانەی ڕیال مەدرید ڕۆژی 7ی مانگی یەکی ساڵی 2025، کاتژمێر 5:30 خولەکی پاشنیوەڕۆ دەستەی
بەڕێوەبەری یانەکە کۆدەکاتەوە، بە ئامانجی دەستپێکردنی پرۆسەی هەڵبژاردنی سەرۆک و
دەستەی کارگێڕی بۆ چوار ساڵی داهاتوو.
لە هەڵبژاردنەکەدا پێرێز دووبارە خۆی کاندید
دەکاتەوە، وە جێی باسە لە ساڵی 2009ەوە تا
ئێستا هیچ هەڵبژاردنێکی دیکە ئەنجام نەدراوە، چونکە لە ساڵانی 2013 و 2017 و 2021
کەسی دیکە خۆی کاندید نەکرد بۆ ئەوەی ڕکابەری لەگەڵ بکات، وە ماوەی ناو تۆمارکردن
بۆ کاندیدەکانی ئەگەری لە یەکی نیسان دەستیپێکرد و لە 13ی نیسان داخرا.
ئەوەی گرنگە بووترێت، هەرکەسێک بیەوێت خۆی کاندید بکات بۆ سەرۆکایەتی یانەی
ریاڵ مەدرید دەبێت چەند مەرجێکی تێدابێت، کە گرنگترینیان بریتیە لەوەی دەبێت
کەسێکی ئیسپانی بێت، وە 20 ساڵ بەبێ وەستان ئەندامی یانەکە بێت و هیچ پۆستێکی تری
لە تۆپی پێدا دەبێت.