AM:09:41:02/01/2025
2836 جار خوێندراوەتەوە
+
-
رۆناڵدۆ بە رێژەی
لە سەدا 95 لە نەسڕ دەمێنێتەوە و دانوستانەکان بۆ درێژکردنەوەی گرێبەستەکەی
بەردەوامە.
بە گوێرەی
زانیارییەکانی رۆژنامەی یەومی سعودی، دانووستانەکان لە نێوان یانەی نەسڕی سعودی و
کریستیانۆ رۆناڵدۆی پورتوگالی کاپتنی تیپەکە بەردەوامی هەیە.
رۆژنامەکە ئاماژەی
بەوەکردووە، رێژەی مانەوە و درێژکردنەوەی گرێبەستەکەی رۆناڵدۆ لەگەڵ یانەی نەسڕ لە
سەدا 95ـە، بەو پێیەی هیچ کێشەیەک و هیچ بەربەستێک لە نێوانیان نییە.
ئەمە لە کاتێکدایە
راپۆرتە رۆژنامەوانییەکانی ئەم دواییە بڵاویانکردەوە، پێدەچێت رۆناڵدۆ بچێتە
یانەیەکی دیکەی خولی سعودیە تا بتوانێت نازناوی خولەکە بەدەستبهێنێت.
رۆناڵدۆی تەمەن 39
ساڵ لەم وەرزەدا لەگەڵ نەسڕ بەشداری لە 19 یاری کردووە و 16 گۆڵ و سێ ئەسیستی تۆمارکردووە،
لە هاوینی داهاتووش دەتوانێت بێبەرامبەر یانەکەی جێبهێڵێت.
بیلال کاکە