AM:10:15:09/06/2023
280 جار خوێندراوەتەوە
+
-
لە جامی جیهانی لاوان ئیتاڵیا و ئۆرۆگوای بە بردنەوە لە کۆریای باشوور و
ئیسرائیل گەیشتنە یاری کۆتایی.
لە یارییەکانی قۆناغی پێش کۆتایی جامی جیهانی لاوان کە لە وڵاتی ئەرجەنتین
بەڕێوەدەچێت، هەڵبژاردەی ئیتاڵیا بەرامبەر کۆریای باشوور یاریکرد.
تایمی یەکەم بە یەکسانی و بە گۆڵێک بۆ هەردوو هەڵبژاردە کۆتاییهات، سیزار
کاسادی لە خولەکی 14 گۆڵەکەت ئیتاڵیای کرد و لی سیۆن لە خولەکی 23 گۆڵی یەکسانی بۆ
کۆریەکان کردەوە.
لە تایمی دووەمدا و لە خولەکی 86 سیمۆنی باڤۆندی گۆڵی دووەمی ئیتاڵیای
تۆمارکرد و سەرەنجام یاریەکەیان بە ئەنجامی دو گۆڵ بەرامبەر گۆڵیک لە سوودی خۆیان
کۆتایی پێهێنا.
لە هەمان قۆناغ، هەڵبژاردەی ئۆرۆگوای رووبەڕووی هەڵبژاردەی ئیسرائیل بووەوە
و بە ئەنجامی گۆڵێکی بێبەرامبەر یاریەکەی لێبردەوە.
هەردوو
هەڵبژاردەی ئیتاڵیا و ئۆرۆگوای سەرکەوتنیان بۆ یاری کۆتایی جامی جیهانی لاوان
بەدەستهێنا و هەڵبژاردەکانی کۆریای باشوور و ئیسرائیل یاری دیاریکردنی پلەی سێیەم
ئەنجامدەدەن.
خ . ک