PM:03:52:01/09/2026
688 جار خوێندراوەتەوە
بەڕێوەبەرایەتیی هاتووچۆی سلێمانی کۆمەڵێک مەرج و رێکاری نوێی پەیوەست بە هاوردەکردن و تۆمارکردنی ماتۆڕسکیل بڵاوکردەوە و رایگەیاند، لە ساڵی ٢٠٢٥ـەوە هاوردەکردنی ماتۆڕسکیل بۆ ماوەی چوار ساڵ قەدەغە کراوە.
ئەمڕۆ سێشەممە ١ـی ئەیلولی ٢٠٢٦، بەڕێوەبەرایەتیی هاتووچۆی سلێمانی لە ڕاگەیەندراوێکدا بڵاویکردەوە، هاوردەکردنی ماتۆڕسکیل و رێکارەکانی تۆمارکردنی لەمەودوا بەپێی کۆمەڵێک مەرج دەبێت، بەگوێرەی مەرجەکان هاوردەکردنی پێویستە تەنها بە داواکاریی کۆمپانیاکانی دلیڤەری و دامودەزگا حکومییەکان ڕێگەی پێ دەدرێت.
هاتووچۆی
سلێمانی ئاماژەی بەوەشکردووە، پێویستە ماتۆڕسکیلەکە لە دەروازە سنورییەکانەوە بە
فەرمی هاوردە کرابێت و خاوەنی مەنەفێست و پەڕاوی فەرمی بێت، لەگەڵ ئەوەشدا پێویستە
گرێبەستی ئەلیکترۆنیی کڕینی هەبێت.
ئەوەش
خراوەتەڕوو، پرۆسەی تۆمارکردن لەسەر بنەمای قەبارە و بستۆنەکانی ماتۆڕسکیلەکە
ئەنجام دەدرێت و لە کاتی دەستپێکردنی تۆمارکردن، پێویستە سەردانی بنکەکانی پشکنین
بکرێت بۆ ئەنجامدانی پشکنینی فەرمی.
دەشڵێت،
پێویستە خاوەن ماتۆڕسکیلەکە سەردانی بەڕێوەبەرایەتیی هاتووچۆ بکات بۆ پێشکەشکردنی
داواکاری، و دوای پێداچوونەوە بە بەڵگەنامەکان دەست بە ڕێکارەکانی تۆمارکردن
دەکرێت.
