ئاماژه‌ی به‌وه‌شكردووه‌، "داواده‌كه‌ین دور له‌زه‌بری هێز و ده‌ستگیركردن مامه‌ڵه‌ له‌گه‌ڵ دۆخه‌كه‌ بكرێت و هه‌ستیاری و تایبه‌تمه‌ندی دۆخی خانه‌قین و ئه‌و ناوچانه‌ ره‌چاوبكرێت، هه‌روه‌ها داوا ده‌كه‌ین ده‌ستگیركراوه‌كان ئازاد بكرێن و هه‌رچی فه‌رمانی گرتن بۆ سیاسیه‌كان و چالاكوان و گه‌نجان ده‌رچوه‌ هه‌ڵبوه‌شێنرێته‌وه‌".

ده‌شڵێت، "پێویسته‌ گۆڕینی دیمۆگرافی و به‌قه‌زاكردنی جه‌له‌ولا و قه‌ره‌ته‌په‌ و لابردنی ناحیه‌كانی سه‌عدیه‌ و قه‌ره‌ته‌په‌ هه‌ڵبووه‌شێنرێته‌وه‌و به‌پێی ده‌ستور و ماده‌ی ١٤٠ مامه‌ڵه‌ی له‌گه‌ڵدا بكرێت و هه‌مو ئه‌و رێكارانه‌ی پێچه‌وانه‌ی ده‌ستوورن رابگیرێن".

ئه‌وه‌شی روونكردووەته‌وه‌، "له‌كۆتاییدا په‌یاممان بۆ خه‌ڵكی سه‌ربه‌رزی خانه‌قین و ناوچه‌ كوردستانیه‌كانی دیاله‌یه‌، ده‌زانین له‌ژێر فشاری زۆردان و ناوچه‌كه‌تان روبه‌روی كێشه‌ و گرفتی زۆر بۆته‌وه‌، داواتان لێده‌كه‌ین به‌ئارامی و به‌پێی ده‌ستورو یاسا داكۆكی له‌مافه‌كانتان بكه‌ن و دڵنیاتان ده‌كه‌ینه‌وه‌ ئێمه‌ له‌ فراكسیۆنی یه‌كێتی پشتیوانتان ده‌بین و داكۆكیكاری ده‌ستوری و یاساییتان ده‌بین".

ئەوەش دوای ئەوەی بڕیاربوو ئێواره‌ی دوێنێ خۆپێشاندانێكی جه‌ماوه‌ریی فراوان دژی گۆڕینی دیمۆگرافیا و پشتگوێخستنی مادده‌ی ١٤٠ـی ده‌ستوور ئه‌نجامبدرێت، به‌ڵام لیژنه‌ی سه‌رپه‌رشتیار ڕایانگه‌یاند، چالاكییه‌كه‌یان ته‌نیا هه‌ڵپه‌ساردووه‌ دواخستوه‌ و نه‌هه‌ڵووه‌شاوه‌ته‌وه‌.