نرخی نەوت بەرزبوونەوەیەکی بەرچاوی تۆمارکرد و بۆ یەکەمجار لە دوای ساڵی ٢٠٢٢ـەوە، نرخی نەوتی تەکساس لە نەوتی برێنت گرانتر بوو.
ئەمڕۆ ٧ـی نیسانی ٢٠٢٦، نرخی بەرمیلێک نەوتی خاوی برێنت لە بازاڕەکانی جیهاندا گەیشتە ١١١ دۆلار و سێ سەنت. هاوکات، نرخی نەوتی خاوی سوکی تەکساسیش بەرزبوونەوەی زیاتری بەخۆوە بینی و بە ١١٤ دۆلار و هەشت سەنت مامەڵەی پێوە دەکرێت.
وەرچەرخانێکی
دەگمەن لە بازاڕی وزەدا
ئەم
بەرزبوونەوەیەی نرخی نەوتی تەکساس و تێپەڕاندنی نرخی برێنت بە رووداوێکی دەگمەن
دادەنرێت؛ چونکە لە ماوەی چوار ساڵی رابردوودا ئەمە یەکەمینجارە نەوتی سوکی
ئەمریکی بە نرخێکی گرانتر لە نەوتی برێنت بفرۆشرێت.
جەنگ و شڵەژانی
بۆرسە
شارەزایانی
بواری وزە ئاماژە بەوە دەکەن، هۆکاری سەرەکی ئەم هەڵکشانە بۆ دەستپێکردنی جەنگی
نێوان (ئەمریکا و ئیسرائیل) لەگەڵ ئێران دەگەڕێتەوە. ئەم ئاڵۆزییە سەربازییانە
بووەتە هۆی شڵەژانی گەورە لە بازاڕەکانی بۆرسەی جیهانیدا.
بۆچی خواست
لەسەر نەوتی تەکساس زیادی کردووە؟
بەهۆی
سەرهەڵدانی جەنگ لە ناوچەی رۆژهەڵاتی ناوەڕاست، گواستنەوە و دەستنەکەوتنی نەوتی
خاوی برێنت رووی لە کەمی کردووە، ئەمەش وایکردووە کڕیارانی نەوت روو لە کڕینی
نەوتی سوکی تەکساس بکەن کە لەلایەن ئەمریکاوە بەرهەم دەهێنرێت، بەوەش هاوسەنگی
خواست و خستنەڕوو گۆڕانکاری بەسەردا هاتووە و نرخەکەی بەو شێوەیە بەرزبووەتەوە.