ناوەندى هەماهەنگیى قەیرانەکانى هەرێم دەڵێت، بەهۆی لافاوەوە چەندین پڕۆژە زیانیان بەرکەوتووە و لە سۆران منداڵێک گیانی لەدەستداوە.
ئەمڕۆ هەینی ٢٧ـی ئازاری ٢٠٢٦، ناوەندى هەماهەنگیى قەیرانەکانى سەر بە وەزارەتى ناوخۆ راپۆرتێکى لەبارەى زیانەکانى لافاوەوە بڵاوکردەوە و دەڵێت، لە سەنتەرى شاری هەولێر و رێگەکانى دەرەوەی شار لافاو دروستبووە هۆشدارى بە دانیشتووانى دارەتوو داوە کە گۆمێک لەنزیک شارەدێیەکە ٢٤ مەتر قوڵە سەرڕێژ بووە لێى نزیک نەبنەوە، هەروەها رێگاى نێوان شەقڵاوە - هیران بەتەواوى رۆچووە و رێگاى گوندى قیرژەى بنارى سەفینیش بەتەواوى داخراوە.
سەبارەت بە
سلێمانی دەڵێت، ئاوى چەمى کونەماسى بەرزبووەتەوە و زیانى بە کەپرەکانى سەیرانگاکە
گەیاندووە.هەروەهالە پارێزگای دهۆک لە سێمێل ئاو
چووەتە چەند ماڵێك و لە ئاکرێ ئۆتۆمبێلێک ئاو بردوویەتی.
ناوەندەکە
دەڵێت، لە هەڵەبجەش بارانبارین زیانى بەرێگاى پێنج گوند گەیاندووە و لە ئیدارەى
گەرمیانیش پرۆژەى ئاوى گوندەکانى قولەبەرز و چاڵەرەش ئاوى رووبارى سیروان
بردوویەتى، بەشێک لە رێگاى گوندەکان زیانیان بەرکەوتووە، دوو پرد لەسنوورەکە
رووخاون و زیان بە چەند پڕۆژەیەکى ئاودێرى کەوتووە.
هەر لە
گەرمیان، زیان بە پڕۆژەى ئاوى شێخ لەنگەر و چەند فیدەرێکى کارەبا کەوتووە و ١٠٠
دۆنم زەوى بە گەنم داچێنراو بە ئاو داپۆشراوە.
هەروەها لە
ئیدارەى سۆران بەهۆی لافاوەکەوە منداڵێک
گیانى لەدەست داوە وزیانى بە چەند رێگا و بانێک گەیاندووە.