PM:05:21:20/01/2026
1336 جار خوێندراوەتەوە
وەزارەتی بەرگریی سوریا رایگهیاند، ئامادەیی تەواوی خۆیان رادەگەیەنن بۆ وەرگرتنی کەمپی هۆڵ و تەواوی زیندانەکانی داعش لە ناوچەکەدا، دهشڵێت، "جەخت لەسەر پابەندیی خۆمان دەکەینەوە بۆ پاراستنی خەڵکە کوردەکەمان و پاراستنی ئاسایشیان و دوبارە بەڵێن دەدەین کە هێزەکانمان ناچنە ناو گوند و شارۆچکە کوردییەکان".
ئەمڕۆ سێشەممە ٢٠ـی کانونی دووەمـی ٢٠٢٦، وەزارەتی بەرگری سوریا لەڕاگەیەنراوێکدا بڵاویکردەوە،" ئامادەیی تەواوی خۆمان رادەگەیەنین بۆ وەرگرتنی کەمپی هۆڵ و تەواوی زیندانەکانی داعش لە ناوچەکەدا و جەخت دەکەینەوە کە لەپێشینەی کارەکانمان بەرەنگاربوونەوەی داعشە".
باسی لەوەشکرد، "رەتیدەکەینەوە دۆسیەی زیندانییەکان
وەک بارمتە یان کارتی فشاری سیاسی لەلایەن سەرکردایەتی هەسەدەوە بەکاربهێنرێت بۆ بڵاوکردنەوەی
پشێوی و تێکدانی سەقامگیری".
ئاماژەی بەوەشکردووە، "داوا لە سەرکردایەتی
"هەسەدە" دەکەین پابەندبێت بە بەڵێنەکانی و رێککەوتنی ١٨ـی کانونی دووەم
بە شێوەیەکی بەپەلە جێبەجێ بکات".
دەشڵێت، "جەخت لەسەر پابەندیی رەهای خۆمان
دەکەینەوە بۆ پاراستنی خەڵکە کوردەکەمان و پاراستنی ئاسایشیان، و دوبارە بەڵێن دەدەین
کە هێزەکانمان ناچنە ناو گوند و شارۆچکە کوردییەکان".
