PM:12:36:08/01/2026
828 جار خوێندراوەتەوە
دوای ناکۆکی و لێدوانە دژبەیەکەکانی ئەمدواییەیان ترەمپ و سەرۆکی کۆڵۆمبیا پەیوەندییەکی تەلەفوونییان ئەنجامدا و وابڕیارە سەرۆکی کۆڵۆمبیا سەردانی کۆشکی سپی بکات.
دوای ئەوەی لە چەند رۆژی رابردوودا ترەمپ لە کۆنفرانسێکی رۆژنامەوانیدا هەڕەشەی هێرشکردنە سەر کۆڵۆمبیای کرد، رۆژی رابردوو سەرۆکی هەردوو وڵات پەیوەندییەکی تەلەفوونییان ئەنجامدا و لە پەیوەندییەکەدا رێککەوتوون کە گۆستاڤۆ پێترۆی سەرۆکی کۆڵۆمبیا بێتە کۆشکی سپی و لەگەڵ ترەمپ کۆببێتەوە.
گۆستاڤۆ
وتی، جێی شانازی بووە کە لەگەڵ ترەمپ قسەی کردووە و بە تۆنێکی ئاشتییانە گفتوگۆیان
لەسەر پرسی ماددە هۆشبەرەکان و ناکۆکییەکانی تری نێوانیان کردووە و بە پەرۆشە بۆ
چاوپێکەوتنی لەگەڵ سەرۆکە ئەمریکییەکە لەماوەیەکی نزیکدا.
پێشتر
سەرۆکە کۆڵۆمبییەکە لەسەر دژایەتیکردنی ئیسرائیل و حکومەتی ئەمریکا ناکۆکیی لەگەڵ
ترەمپ هەبوو و ترەمپیش لە کۆنفرانسە رۆژنامەوانییەکەی چەند رۆژی رابردوودا سەرۆکەکەی
بە کەسێکی نەخۆش ناوبرد و بە ژەهراویکردنی ئەمریکا بە کۆکاین تۆمەتباری کرد.
