سەرکردەیەکی چوارچێوەی هەماهەنگیی شیعەکان دەڵێت، چوارچێوەکە لەنێوان سێ ناودا گیری خواردووە و پێداگری دەکات کە ئەو پۆستە بەزویی یەکلاییبکرێتەوە.
ئەمڕۆ پێنجشەممە ٨ـی کانونی دووەمی ٢٠٢٦، زیا ناسری، سەرکردەیەک چوارچێوەی هەماهەنگیی شیعەکان وتی، چوارچێوەی هەماهەنگی لەنێوان سێ ناودا گیریخواردووە کە ئەوانیش نوری مالیکی و محەمەد شیاع سودانی و حەیدەر عەبادین.
دەشڵێت، چوارچێوەی هەماهەنگی پێداگری لەسەر یەکلاییکردنەوەی هەڵبژاردنی سەرۆک
وەزیران دەکات و بۆ ئەو مەبەستە داوایکردووە سودانی و مالیكی سازش بۆ یەكتر بكەن
یان یەکێک لە نۆ کاندیدەکە هەڵبژێرێت و ئەو سەرپشككردنەی بە سودانی و مالیکی دراوە
بۆ هەڵبژاردنی سەرۆک وەزیران، ئەگەر نەگەنە رێککەوتن، کۆتایی دێت و چوارچێوەکە کەسێک وەک کاندید دیاریدەکات.
وتیشی، پێویستە سەرۆک وەزیرانێک هەڵبژێردرێت کە گروپە چەكدارەكان متمانەی
پێبکەن بۆ ئەوەی پرسی چەک چارەسەربکرێت.