PM:02:35:03/12/2025
940 جار خوێندراوەتەوە
پارێزگاری بانکی ناوەندی عێراق دەڵێت، بەردەوامن لە پەرەپێدان و چاکسازیکردن لە کەرتی بانکی عێراقیدا و دەشڵێت، دڵنیاییش لەبارەی پلانی چاکسازیی بانکەکانەوە دەدات و پڕۆژەی دیناری دیجیتاڵی لە قۆناغی جێبەجێکردندایە.
ئەمڕۆ چوارشەممە ٣ـی کانونی یەکەمی ٢٠٢٥، عەلی عەلاق، پاریزگاری بانکی ناوەندی عێراق رایگەیاند، بەردەوامن لە چاکسازییەکانیان بۆ دڵنیابوون لە پابەندبوونیان بە ستانداردە نێودەوڵەتییەکان و سەرجەم بانکە عێراقییەکان بەڵگەنامەی چاکسازییان واژۆکردووە و قۆناغ بە قۆناغ مۆڵەتی مامەڵەکردن بە دراوەکانی دیکەیان پێدەدرێت.
باسی لەوەشکرد، لە ماوەیەکی نزیکدا ئەو بانکانەی پێشتر سزایان بەسەردا
سەپێندراوە دوای چاکسازی گشتی دەگەڕێنەوە سەر کاری خۆیان و وتیشی، دامەزراوە
نێودەوڵەتییەکان چاودێری راستەوخۆی ئەم پێشکەوتنەی بانکی ناوەندی دەکەن.
ئاماژەی بەوەشکرد، پڕۆژەی دیناری دیجیتاڵی هێشتا لە قۆناغی پەرەپێداندایە و
پێویستی بە کات و ژێرخانێکی تەواو یەکگرتوو هەیە پێش دەستپێکردنی بە فەرمی.
دەشڵێت،
دابەزاندنی بەهای دینار کاریگەی نەرێنیی دەبێت لەسەر سەقامگیریی بازاڕ و زیان بە
چینێکی فراوانی هاووڵاتییانی خاوەن داهاتی سنووردار دەگەیێنێت و متمانە بە دراوی
نیشتمانی لاواز دەکات.
