PM:02:12:23/08/2025
1732 جار خوێندراوەتەوە
سەرۆکی فراکسیۆنی نەوەی نوێ لە پەرلەمانی عێراق رایگەیاند، رێگریکردن لە سەردانیکردنی سەرۆکی جوڵانەوەکەمان ئەوە پشتڕاستدەکاتەوە کە دۆسیەکە تەواو سیاسییە و شەقام لەم پێشێلكارییانە بێدەنگ نابێت.
ئەمڕۆ شەممە ٢٣ـی ئابی ٢٠٢٥، سروە عەبدولواحید، سەرۆکی فراکسیۆنی نەوەی نوێ لە پەرلەمانی عێراق بڵاویکردەوە، زانیاریمان پێگەیشتووە لە زینداندا دۆخی تەندروستی شاسوار عەبدولواحیدی سەرۆكی جوڵانەوەی نەوەی نوێ تێكچووە، لەكاتێكدا حزبەكەی تاڵەبانی سورە لەسەر پێشێلكردنی یاسا و رێگریكردن سەردانی كەسوكار و هاوڕێكانی.
وتیشی، ئەم
رەفتارە هەڕەمەكی و نایاساییانە ئەوە پشتڕاستدەكەنەوە كە دۆسیەكە بەتەواوەتیی
سیاسییە و شەقام لەم پێشێلكارییانە بێدەنگ نابێت.
ئەمەش لەدوای ئەوەدێت، درەنگانی شەوی ١٢ـی ئەم مانگە، هێزێکی یەکێتی هەڵیانکوتایە سەر ماڵەکەی شاسوار عەبدولواحید، سەرۆکی جوڵانەوەی نەوەی نوێ و دەستگیریانکرد، بە بیانووی چەند سکاڵایەک کە تا ئێستا لە دادگای سلێمانی هیچ بەڵگەیەکیان لەسەر نەهاتووەتەوە.
