PM:02:56:18/08/2025
2704 جار خوێندراوەتەوە
بە گوێرەی راپۆرتێک کە رۆژنامەیەکی ئەمریکی بڵاویکردووەتەوە، تا ساڵی ٢٠٥٠ زیرەکی دەستکرد دەبێتە هۆی نەمانی کۆمەڵێک کار و پیشە؛ هەندێک کاری دیکەش کاریگەرییان لەسەر دروست نابێت.
ئەمڕۆ دووشەممە ١٨ـی ئابی ٢٠٢٥، بە گوێرەی راپۆرتێکی رۆژنامه‌ی گاردیانی به‌ریتانی کە لەلایەن ده‌سته‌ی هه‌لی كار و لێهاتوویی ئوسترالیاوه بڵاوكراوه‌ته‌وه، تیایدا به‌پێی ئه‌و راده‌یه‌ی كه ده‌توانرێت ئه‌ركه‌كانیان به ئۆتۆماتیكی یان به زیره‌كی ده‌ستكرد ئه‌نجام بدرێت، زۆرێك له پیشه‌كان بە ئه‌گه‌ری زۆره تا ساڵی ٢٠٥٠ زیرەکی دەستکرد جێیان دەگرێتەوە.
وتیشی، لەو پیشانە وه‌كو فه‌رمانبه‌ری نووسینگه‌كان، پێشوازیكردن، ژمێریار، كارمه‌ندانی فرۆشتن و به‌بازاڕكردن، فه‌رمانبه‌رانی په‌یوه‌ندییه گشتییه‌كان، شیكه‌ره‌وه‌كانی كار و سیسته‌م و پرۆگرامه‌ره‌كان.
باس لەوەشکراوە، به پێچه‌وانه‌وه هه‌ندێك
پیشه زیادبوونی دامه‌زراندن به‌خۆیانه‌وه ده‌بینن، وه‌ك پیشه‌ی پاككردنه‌وه، به‌ڕێوه‌به‌رانی
به‌شه‌كان، كرێكارانی بیناسازی، کارە هاوشێوەکانیان.
له راپۆرته‌كه‌دا پێشبینی ئه‌وه كراوه كه
زیره‌كی ده‌ستكرد كاره‌كان ده‌گۆڕێت نه‌ك به ته‌واوی جێگه‌یان بگرێته‌وه، هه‌روه‌ها
پێشبینی ئەوەش کراوە كه زیره‌كی ده‌ستكرد ببێته‌هۆی خاوبوونه‌وه‌ی گه‌شه‌ی دامه‌زراندن بە گشتی له سییه‌كانی ئه‌م سه‌ده‌یه‌دا.
باس لەوەشکراوە، كاریگه‌رییه‌كانی
پێشكه‌وتنی ته‌كنه‌لۆجیا تا ١٠ ساڵی دیكه ده‌رناكه‌وێت و هه‌ستیان پێناكرێت.
