PM:05:32:13/08/2025
3572 جار خوێندراوەتەوە
حزبی شیوعی کوردستان رایگەیاند، "ئیدانەی دەستگیرکردنی شاسوار عەبدولواحید دەکەن و داوای ئازادكردنی دەکەین چونكە شێواز و كاتی گرتنەكە وا نیشاندەدات کە دامەزراوەی دادوەری و جێبەجێکار لە ھەرێمی كوردستان و لەململانێی سیاسیدا دەستێوەردان بکات".
ئەمڕۆ چوارشەممە ١٣ـی ئابی ٢٠٢٥، حزبی شیوعی کوردستان لە راگەیەندراوێکدا بڵاویکردەوە، لە كاتێكدا كە شاسوار عبدولواحید، سەرۆكی جوڵانەوەی نەوەی نوێیە و بەشدارە لە پرۆسەی سیاسی لە كوردستان و عێراقدا و ئەندامی پەرلەمانی ھەیە نەدەبوو بەو شێوەیە ھەڵسو كەوتی لەگەڵدا بكرێت، بەھێز و بە چەكدار دەستبەسەر بکرێت و زیندانی بكرێت .
لە راگەیەندراوەکەدا ئەوەش هاتووە، جەخت دەكەنەوە و داواكارن دامەزراوە یاساییەكان
و ھێزە ئەمنییەكان، ھەڵسوكەوتیان لەگەڵ ھەموو لایەنەكان و ھاوڵاتیاندا یەكسان و
دووربێت لەكاردانەوە و ململانێی جیاوازی سیاسی.
هاوکات لە راگەیەندراوەکەدا حزبی شیوعی کوردستان شێوازی گرتنی شاسوارعەبدولواحید
بەو شێوەیە رەتدەكاتەوە و داوای ئازادكردنی دەكات چونكە شێواز و كاتی گرتنەكە وا نیشاندەدات
کە دامەزراوەی دادوەری و جێبەجێکار لە ھەرێمی كوردستان و لەململانێی سیاسیدا دەستێوەردان بکات، کە خوازیارین
ئەم دامەزراوانە دووربخرێنەوە لە ململانێی سیاسی.
