PM:02:55:25/07/2025
28320 جار خوێندراوەتەوە
وتەبێژی وەزارەتی ئەوقاف و كاروباری ئاینی هەرێم بە دیجیتاڵ میدیای ئێن ئاڕ تی راگەیاند، نرخی گەشتی عومرە دابەزیوە و بە رێگای وشکانی لە ٣٤٥ دۆلار و بە گەشتی ئاسمانیش ٦٥٠ بۆ ٧٠٠ دۆلارەوە دەستپێدەکات.
ئەمڕۆ هەینی ٢٥ـی تەمموزی ٢٠٢٥، نەبەز ئیسماعیل، وتەبێژی وەزارەتی ئەوقاف و كاروباری ئاینیی هەرێم بە دیجیتاڵ میدیای ئێن ئاڕ تی وت، بەهۆی كێبڕكێ لە نێوان كۆمپانیاكانی گەشتی حەج و عومرەدا، دەستیان کردووە بە رێکارەکانی کۆنترۆڵکردنی نرخی گەشتی عومرە و بەمەش نرخەکەی بە شێوەیەکی بەرچاو دابەزیوە.
باسی لەوەشکرد،
نرخی گەشتی عومرە بە رێگای وشکانی لە ٣٤٥
دۆلارەوە دەستپێدەکات و بە گەشتی ئاسمانیش ٦٥٠ بۆ ٧٠٠ دۆلارەوە دەستپێدەکات.
جەختیشی کردەوە،
رێگەنادرێت هیچ کۆمپانیایەک لەبەرامبەر ئەو نرخەدا کوالێتی گەشتەکەی دابەزێنێت
بەڵکو دەبێت بە باشترین شێوە خزمەتی سەردانیکەرانی حەج و عومرە بکرێت.
بەپێی ئاماری حەج و عومرەی هەرێم، ساڵی رابردوو زیاتر
لە ٥٠ هەزار هاونیشتمانی هەرێم گەشتی عومرەیان کردووە.
