لەشاری هەولێر تەرمی هونەرمەندێك لەناو ماڵەكەی خۆی دۆزرایەوە، كە ماوەی چەند رۆژێكە گیانی لەدەستداوە و ئەمڕۆ پێیان زانیوە.
ئەمڕۆ یەكشەممە ٢٠ـی تەمموزی ٢٠٢٥، تەرمی هونەرمەندی شێوەكار فەتاح خەتاب لەناو ماڵەكەی خۆی لە گەڕەكێكی شاری هەولێر دۆزرایەوە، كە پێدەچێت چەند رۆژێك لەمەوبەر گیانی لەدەستدابێت.
لەگەڵ
بڵاوبوونەوەی هەواڵی گیان لەدەستدانی ئەو هونەرمەندە پەیامنێری ئێن ئار تی سۆراغی
کرد و چەند دراوسێیەکی ناوبراو ئاماژەیان بەوەکرد، دوای ئەوەی چوار پێنج رۆژێک بوو
دەنگی نەبووە، رۆشتوون بۆلای شوقەکەی تا بڕۆن هەواڵێکی بزانن، دراوسێکانی وتیان
کەسوکارەکەی و پۆلیسمان ئاگادار کردووتەوە و تێمانگەیاندوون شتێکی ئاوا هەیە و
هاوکاریان بکەن.
کە پۆلیس
رۆشتووە و چوونەتە شوقەکەی سەیردەکەن ئەو کەسە گیانی لەدەستداوە و دواتر پۆلیس
تەرمەکەیان بردووەتە پزیشکی داد و دواتر رادەستی کەسوکارەکەیان کردووەتەوە کە
دەڵێن ماڵی خاڵی هونەرمەندەکە بوون، ئەوانیش دواتر لە گۆڕستانی ئیمام عەلی لە شاری
هەولێر و بە خاکی دەسپێرن.