ژینگەپارێزانی نەخۆشخانەکانی سنووری سۆران بە ئێن ئاڕ تییان راگەیاند، بەهۆی گواستنەوەیان لە کۆمپانیایەکەوە بۆ کۆمپانیایەکی تر، دوو مووچەیان فەوتاوە و لایەنی پەیوەندیدار پشتگوێی خستوون.
ئەمڕۆ شەممە ١٩ی تەمموزی ٢٠٢٥، ژمارەیەک ژینگەپارێز لە نەخۆشخانەکانی سنووری سۆران کە نەیان ویست ناویان ئاشکرا بکرێت، بە ئێن ئاڕ تییان وت، نزیکەی ٣٠٠ کەسن و مووچەکانیان لە نێوان ٣٣٠ بۆ ٥٠٠ هەزار دینارە و دوو مووچەیان فەوتاوە.
روونیان
کردەوە، تاکو ئێستا مووچەی مانگی ١٢ی ساڵی رابردوو و مانگی ١ ی ئەمساڵیان وەرنەگرتووە، زۆربەیان دۆخی داراییان سەختە و ناتوانن شیر بۆ منداڵەکانیان بکڕن.
باسیان لەوەشکرد،
ساڵی رابردوو لە کۆمپانیایەک کاریان کردووە و سەر بە ئەوێ بوون، ئەمساڵ سەر بە
کۆمپانیایەکی دیکەن و لەم ئاڵوگۆڕەدا دوو
مووچەیان فەوتاوە.
وتیشیان، چەندین جار لەگەڵ وەزیری تەندرووستی و سەرپەرشتیاری ئیدارەی سۆران و بەڕێوەبەری گشتی
تەندرووستی سۆران گفتوگۆیان کردووە، بەڵام تاکو ئێستا کێشەکەیان بۆ چارەسەر نەکراوە.