AM:11:32:25/06/2025
5680 جار خوێندراوەتەوە
بەهۆی کەمبوونەوەی ئاڵۆزییەکانی نێوان ئێران و ئیسرائیل، بەڕێوەبەرایەتیی گشتیی حەج و عومرەی هەرێم دەڵێت، مانگی داهاتوو، گەشتەكانی عومرە لە هەرێمی كوردستان دەستپێدەكەنەوە.
ئەمڕۆ چوارشەممە ٢٥ـی حوزەیرانی ٢٠٢٥، بەڕێوەبەرایەتیی گشتیی حەج و عومرەی هەرێم وتی، دەست بە ئامادەكارییەكان دەكەن بۆ دەستپێكردنەوەی گەشتەكانی عومرە و مانگی داهاتوو گەشتەكان دەست پێدەكاتەوە.
هەروەها، پێشتریش ٢١ی
حوزەیرانی ٢٠٢٥، نیاز نەقشبەندی، بەڕێوەبەری گشتی حەج و عومرەی هەرێم بڵاویکردەوە،
چاودێری بارودۆخەکە دەکەن و پێیان وایە، تاکو فڕۆکەخانەکان بە داخراوی بمێننەوە،
ناتوانن گەشتی عومرە بۆ هاوڵاتییانی هەرێم رێکبخەن.
ئەوەش لەکاتێکدایە، نزیکەی دوو مانگە گەشتی
عومرە راگیراوە بەهۆی دەستپێکردنی وەرزی حەجەوە و ٢٩ـی چوار بە کۆتا رۆژ بۆ گەڕانەوەی
عومرەکاران دیاریکرا.
