ئاماژەی بەوەشكرد، لە رۆژانی جەژنیش ژمارەی ئەو گەشیارانەی سەردانی هەولێریان کردووە بریتی بووە لە ٨٩ هەزار و ٣٠١ گەشتیار و هەروەها هەزار و ٤٦١ ئاژەڵ کراونەتە قوربانى، کە ٢٧٠ یان ئاژەڵى گەورە و هەزار و ١٩١ كەی دیكەش ئاژەڵى بچووک بوون.

ئەوەش خراوەتەڕوو، ئاماری تاوانەکانیش لە رۆژانی جەژن بەمشێوەیەی بووە، ٤٢ تاوان تۆمارکراوە، ٤١ تاوان ئاشکراکراوە، یەك تاوانیش لە ژێرلێکۆڵینەوە دایە و هەروەها ١٦ حاڵەتی ئاگرکەوتنەوەی جیاجیاش روویانداوە، جگە لەزیانی ماددی هیچ زیانێکی گیانی لێ نەکەوتووەتەوە.

ئەوەش هاتووە، بەهۆی پابەندنەبوونی شوفێران بە رێنمایی و یاساکانی هاتووچۆ و لێخوڕینی خێرا، ١٧ رووداوی هاتووچۆ روویاندا، بەهۆیەوە نۆ کەس بریندار و کەسێكش گیانی لەدەستداوە.

لەبارەی سەردانی نەخۆشخانەكانیشەوە باس لەوەکراوە، شەش هەزار ٥٧٥ نەخۆش سەردانی نەخۆشخانەكانیان كردووە و ٣٠٥ حاڵەت و رووداوى جۆراو جۆر چارەسەری بۆ کراوە،٧١ منداڵ لەدایک بووە كە ٤٠ کچ و ٣١ کوڕ بوون، ٨١ نەشتەرگەرى ئەنجامدراوە و ٣٨٣ حاڵەتى شتنی گورچیلەش هەبووە.
بەگوێرەی راگەیەندراوەكە، چوار دوكانی گۆشت فڕۆشتن لە گوندی گردەڕەشە داخراون و دەستبەسەر داگرتنی ٢٢ سەر مەڕ و دوەپیكابدا گیراوە و لەگەڵ ئەوەشدا پاشماوەی هەزار و ١٢٤ تەن ئاژەڵی قوربانی فڕێدراوە، ١٠٨ هەزار گەشتیار سەردانی پارك و باخچەكانی كردووە.