وتیشی، بۆ راگەیاندنی ئەنجامەکانی پۆلی ١٢ی ئامادەیی، بە هەموو بەشەکانیەوە، هیچ جۆرە کۆنگرەیەکی رۆژنامەوانی ئەنجامنادەن و وەزارەت بە رێگەی دیجیتاڵی، نمرەی خوێندکاران رادەگەیەنێت.

دەشڵێت، هیچ پێوەرێک لەسەر ئاستی تاک بۆ ناساندنی ئاستەکانی (یەکەم، دووەم و سێیەم) و هیچ پلەبەندییەک راناگەیەندرێت، سەرجەم پەروەردە گشتییەکان و پەروەردەی قەزاکان و خوێندنگەکان پابەندی ئەم بڕیارە دەبن.

هاوکات، لەسەر بنەمای خاڵی دووەم، نە وەزارەت، نە دامودەزگا پەروەردەییەکان لە پەروەردەی گشتی و پەروەردەی قەزاکان، هیچ جۆرە مەراسیمێکی خەڵاتکردن ئەنجامنادەن و ئامادەشی نابن.

جەختی کردەوە، هەر سەرپێچیکردنێک لە خاڵەکانی دووەم و سێیەم رووبدات، رێکاری کارگێڕی و یاسایی پێویست بەرامبەر سەرپێچیکار دەگیرێتەبەر.

روونیکردەوە، بنەمای هەڵسەنگاندن دەگۆڕێت بۆ شێوازێکی زانستییانەتر و لەسەر بنەمای رێژە و تێکڕای نمرەی دەرچوونی خوێندکارانی هەر خوێندنگەیەک لە پاش راگەیاندنی ئەنجامی تاقیکردنەوەکانی خولی دووەم هەڵسەنگاندن دەکرێت، واتە نمرەکان دەبێتە پێوەر بۆ دیاریکردنی ئاستی زانستیی خوێندنگە، پاشان ئەنجامەکان بۆ پەروەردەی گشتی و پەروەردەی قەزا و خوێندنگەکان دەنێردرێت.

هەروەها، لەسەر بنەمای نمرەی پێوانەیی و تێکڕای ژمێرەیی هەر بابەتێک لە بابەتەکانی پۆلی ١٢ی ئامادەیی بە هەموو بەشەکانیەوە، لە پاش تەواوبوونی خولی دووەم، دەبێتە بنەمای هەڵسەنگاندنی مامۆستای هەر بابەتێک.





ڤـ.ر