PM:07:10:12/05/2025
1544 جار خوێندراوەتەوە
سەرۆکی یەکێتی رایگەیاند، بڕیاری پەکەکە بۆ بەدەمەوەچوونی بانگەوازەکەی عەبدوڵا ئۆجەلان و خۆهەڵوەشاندنەوە و چەکدانان لەم قۆناغە هەستیار و چارەنوسسازەدا هەنگاوێکی مێژووییە.
ئەمڕۆ دووشەممە ١٢ـی ئایاری ٢٠٢٥، بافڵ تاڵەبانی، سەرۆکی یەکێتی بڵاویکردەوە، یەکێتی پشتگیرە بۆ پرۆسەی ئاشتی و هاوکاری بۆ سەرخستنی ئەم هەوڵە، پێیانوایە چەکدانان بەشێکی پرۆسەکەیە و دەبێت هەنگاو و بەشەکانی دیکەی پرۆسەکە جێبەجێبکرێت.
وتیشی، تەنیا رێگا بۆ سەقامگیری لە رۆژهەڵاتی
ناوەڕاست چارەسەرکردنی ئاشتییانەی کێشەی کوردە.
ئاماژە بەوەشکرد، پشتگیری پرۆسەی ئاشتیی لە تورکیا دەکەین تاوەکو
لاپەڕەیەکی نوێی سیاسی و دیپلۆماسی لە نێوان سەرجەم لایەنەکان
هەڵبدرێتەوە و
هەنگاو بۆ کارکردنی پێکەوەیی بنرێت و کاریگەریی ئەرێنی لەسەر تەواوی کوردستان
هەبێت.
شەیدا فەرهاد
