چەند رۆژێکە شەپۆلێکی خۆڵبارین عێراق و هەرێمی کوردستانی گرتووەتەوە، بەهۆیەوە کێشەی تەندروستی بۆ سەدان کەس درووستکردووە.
خۆڵبارین یەکێکە لەو دیاردانەی لە ئەنجامی کەشوهەوای گەرم و وشکەوە دروست دەبێت، خۆڵبارین مەترسی بۆ سەر جەستەی مرۆڤ هەیە و هەندێك رێگە هەیە بۆ خۆپارێزیکردن لێی.
مەترسییەکانی خۆڵبارین چین؟
خۆڵبارین لەوانەیە سییەکان پڕبکاتەوە و تووشی هەوکردنییان بکات، لە نیشانە باوەکانیشی ئازاری سنگ و کۆکە و تا لێهاتن و ئەستەمی هەناسەدانە.
زۆرکات گەردیلەکانی خۆڵ دەچنە ناو چاوەوە، ئەمەش لەوانەیە زیان بە چاوەکان بگەیەنێت و کۆرینەی چاو بریندار بکات و کەسەکە نارەحەت بکات.
رێنماییەكانی تەندروستیی سلێمانی بۆ خۆپارێزی لە
خۆڵبارین بریتین لە:
یەكەم: لەكاتی
چوونەدەرەوەدا ماسك بەكاربهێنن و زوو زوو بیگۆڕن.
دووەم: لەكاتی
خۆڵباریندا لەماڵەوە بمێنەرەوە و مەچۆ دەرەوە.
سێیەم: چاویلكە
و قەترەی چاو بەكاربهێنە بۆ پاراستنی چاوەكانت.
چوارەم:
چاوەكانت بشۆ لەبری خوراندنی چاو.
پێنجەم:
بەباشی دەرگا و پەنجەرەی ماڵەكەت دابخە.
شەشەم: لەكاتی
خۆڵباریندا لە پلەی گەرمیی بەرزدا برێكی باش ئاو بخۆرەوە.
حەوتەم: لەكاتی
شۆفێریدا جامەكانی ئۆتۆمبێلەكەت دابخە.
هەشتەم:
ئەوانەی نەخۆشیی رەبۆیان هەیە بەبەردەوامی پەمپی ئۆكسجین هەڵبگرن لەژێر ڕێنمایی
پزیشكیدا چارەسەر وەربگرن.