بەپێی پێشبینییەکانی کەشناسی، کەشوهەوای ئەمڕۆ ئەگەرى نمە بارانی هەیە لە بەشێک لە ناوچە شاخاوییە سنوورییەکانى پارێزگاى هەولێر و دهۆک.
ئەمڕۆ یەکشەممە ١٣ـی نیسانـی ٢٠٢٥، کەشناسی هەرێم بڵاویکردووەتەوە، بە گشتى ئاسمان نیمچە هەور دەبێت و پلەکانی گەرما کەمێک بەرز دەبێتەوە .
هەروەها ئاماژەی بەوەشکرد، بۆ کەشوهەوای سبەینێ ئاسمانى هەرێم نیمچە هەور
و هەندێ کات هەورى تەواو دەبێت لەگەڵ نمە باران و بوونی هەورە تریشقە لە کاتى
باران.
هاوکات هەر بەپێی پێشبینییەکانی کەشناسی، پلەکانی گەرما لە سنوورى پارێزگاى
هەولێر و دهۆک نزم دەبێتەوە بە ٢-٣ پلەى سیلیزى بەڵام لە سنوورى پارێزگاى سلێمانى و هەڵەبجەو کرکووک بەرزدەبێتەوە .
بەرزترین پلەکانی گەرمای پێشبینیکراو بە پلەی سیلیزی بەم شێوەیە
دەبێت:
هەولێر : ٢٠ پلەى سیلیزى
سلێمانى: ٢٣ پلەى سیلیزى
دهۆک : ١٩ پلەى سیلیزى
زاخۆ : ١٨ پلەى سیلیزى
هەڵەبجە : ٢٤ پلەى سیلیزى
کەرکوک: ٢٦ پلەى سیلیزى
سۆران : ١٨ پلەى سیلیزى
حاجی ئۆمەران: ١٥ پلەى سیلیزى
گەرمیان : ٢٨ پلەى سیلیزى