PM:02:41:12/04/2025
1936 جار خوێندراوەتەوە
وەزارەتی پەروەردەی هەرێم رایگەیاند، پێویستە رۆژی دووشەممە لە سەرجەم ناوەندە حکومی و ناحکومییەکانی خوێندن رێز لە قوربانییانی ئەنفال بگیرێت.
ئەمڕۆ شەممە ١٢ـی نیسانـی ٢٠٢٥، وەزارەتی پەروەردەی هەرێم راگەیەندراوێکی بڵاوکردەوە، بەمەبەستی رێزنواندن لە پرۆسەی تاوانکاریی شاڵاوەکانی ئەنفال رۆژی دووشەممە ١٤ ی نیسان، لە سەرجەم ناوەندەکانی خوێندنی حکومی و ناحکومی پێش دەستپێکی وانەی یەکەم مەراسیمی ساتێک وەستان و رێزنواندن بۆ گیانی قوربانییانی پرۆسەی ئەنفال ئەنجامبدرێت.
ئاماژەی بەوەشکرد، کارگێڕیی ناوەندەکانی خوێندن
باس لەو تاوانانە بۆ خوێندکاران بکەن کە بەرامبەر گەلەکەمان ئەنجامدراون.
